Domon札幌拉麵

呢度啲服務生應該係冇train過, 因為由我打電話book枱開始至到埋單, 不論服務態度, 基本知識(都唔好講專業知識)都係零! 零分呀! 我好鬆手咖喇.......大家都知我有幾兇狠咖啦......... 負分係平常事.........

又, 我覺得啲staff係冇錯咖! 因為公司冇提供培訓, 冇standard咪咁囉~ 你有幾何聽到美心飲食王國啲staff服務唔好丫~ 專業知識可能都唔係好好, 不過你會feel到佢係會幫你跟進囉~ well, 我知呢間拉麵店都係集團式經營, 可唔可以投放多少少俾啲員工呢......

又又, 囉嗦完一輪, 又講返食~ 一切冇驚喜, 同埋偏咸, 即係食完可能有臀病咁囉.......

Pizza Express (再訪)

其實係無心插柳嚟咗呢間同森美太太食生日飯, order咗兩個set lunch for 2個人都好夠, 因為好多澱粉質, 所以都冇再加甜品lu~

頭盤, 一致讚好~ 特別係個芝士磨菇!

菇菇炒螺絲粉配蒜茸包及沙律, 個garlic bread個pizza嘅餅底料, 所以比麵包更彈牙~ (唔......講到好似我有份食咁.....)

Margeheria pizza 伴沙律, 新鮮pizza好難唔好食咖喎........

雖然食呢餐都食咗近3個月咖喇.....不過都想再同森美太太講多次生日快樂!! 愈來愈欣賞你呀!!!!!!!!!!

合江小鎮 (再訪)

由於有折扣優惠, 所以又再嚟喇~ 呢度食物都真係唔錯幾精緻好食, 服務又幾好, 係個location真係唔就腳.......lunch time連一半枱都坐唔滿, 真係有啲擔心......well, 都係講返食啦~

津白肉絲炒年糕

枝竹牛肉球; 鮮肉小籠包; 鴛鴦燒賣, 有豆豆嘅係上海燒賣, 用糯米做餡咖~ 素菜蒸餃

咸肉百葉小棠菜

仲有桂花糕送添~

英國經典

炸魚, 薯條, tartar sauce, 如果有埋醋洋蔥就好喇~

金不換泰國餐廳

個人認為, 香港除咗搵食方便之外冇嘢好咖喇! 當你厭倦中餐同西餐之時, 又可以轉下食其他國家菜式, 都真係幾方便~

記得金不換環境係好舒服, 服務都唔錯, 係貴咗啲啲, 不過可以舒舒服服咁傾下計, 都真係唔錯, 所以今次再嚟, 由於我遲到, 所以姐姐們已經order好食物, 4人套餐包括以下食品, 大家睇圖起菜名啦~

Sugar (Bar. Deck. Lounge)

因為太多相係部電話度, 我決定用返舊電腦去寫哂啲食文!!!!!!!!!!!!!! (即係如果可以將句子改寫成咁就好喇! -<因為太多錢, 太多資產, 我決定返璞歸真, 回歸田園生活> 呢句要貼堂呀!!!!!)

好! 入正題, 因為未肚餓住, 先嚟round happy hour先啦~

係好肯定嘅2011年, 唔知幾月幾日, 同咗車生&天使妹去Sugar happy hour!! 嘩! 合哂天時地理人和啦!!!! 環境nice, 有outdoor seat啱吸煙人士, 不過當日好大風, 所以我地坐坐下都入返室內, 有dj打碟, 又有一個類似舞池嘅物體, 不過當冇人跳舞喎, 唔知其他日子有冇喇~

愈坐愈多人, 果然愈夜愈美麗.........Sugar果然好sweet, like!