當生命不再有意義,餘下的……..還有餘下的嗎?
2011/12/14
2011/11/29
妖魔鬼怪
如果你係街度見到一個瞎人, 你會唔會專程走埋去同佢講 "喂, 你係瞎咖" ; 我相信唔會有人咁做, 但係有一日, 呢件事發生係我身上.......
事情係, 我知道自己係妖魔鬼怪, 而我亦都好努力地改變緊, 畢竟要由妖魔修煉到升仙, 都需要時間; 係呢段期間, 我不停都收到好多人嘅關心, 亦收到好多人嘅奇異眼光, 而近期令我滴血嘅一句說話
"你怪就梗咖啦!"
我明白呢個世界係十分之美好, 但係呢個始終係人類嘅世界, 係大家眼中呢個地球, 空間係冇錯咖! 所以我絕對承認係我唔適合呢個世界, 我唔應該係呢個時空出現, 簡單啲講, 我! 係一個錯誤! 係呢個空間嘅一個污點. 又........坦白講, 我呢十年嘅每次許願嘅願望都係可以快啲離開.......希望大家明白, 我真係好迫不得意地活下來, 大家可唔可以手下留情, 俾我好過少少呀......
事情係, 我知道自己係妖魔鬼怪, 而我亦都好努力地改變緊, 畢竟要由妖魔修煉到升仙, 都需要時間; 係呢段期間, 我不停都收到好多人嘅關心, 亦收到好多人嘅奇異眼光, 而近期令我滴血嘅一句說話
"你怪就梗咖啦!"
我明白呢個世界係十分之美好, 但係呢個始終係人類嘅世界, 係大家眼中呢個地球, 空間係冇錯咖! 所以我絕對承認係我唔適合呢個世界, 我唔應該係呢個時空出現, 簡單啲講, 我! 係一個錯誤! 係呢個空間嘅一個污點. 又........坦白講, 我呢十年嘅每次許願嘅願望都係可以快啲離開.......希望大家明白, 我真係好迫不得意地活下來, 大家可唔可以手下留情, 俾我好過少少呀......
譚魚頭火煱
又有同事走喇! 雖然唔係同一個department, 不過都叫做一場相識, 又可以借題搭枱吹水喇~ 譚魚頭係香港都開咗咁耐, 直到依家先有機會到訪, 小妹真係失禮哂~晚市火煱......相信係我餘下嘅人生應該都冇乜機會嘗試咖喇! 今次就講下午市點心啦~
其實係咪淨係香港嘅酒樓先會有啲咁嘅習慣咖......咁鍾意上咗甜點先上其他點心嘅? 上幾次飲茶都已經係咁, 今次都唔例外......究竟係我太執著定係我唔入流呢......well, 點都係我問題啦~~~~
薑汁千層糕, 有薑味不過唔辣; 好靚嘅桂花紅豆糕, 濃烈陳皮味! 仲有好old school嘅蛋撻仔!
油菜, 係幾靚嘅菜心!
鮮蝦海皇炒飯, 炒得夠乾身同埋幾香, 唔油!
小籠包, 超多湯汁, 小心食呀!!!! 鮮蝦餃, 好大隻!
腸粉, 唔記得咩餡, 淨係知層皮幾薄.....
燒賣囉~
根據我個人經驗, 酒樓嚟講, 嚟自大陸飲食集團嘅點心普遍都幾有質數 (恕小妹暫時都仲未去過點心專賣店) 但係如果講服務就始終差少少.....視乎大家要咩啦.....淨講食物都真係幾抵食咖!
2011/11/25
金田日本料理
日式放題食店開到成行成市, 偏偏我呢個刺身怪就一次都未食過, 鬼咩! 我都唔食dinner嘅, 只能輕嘆無緣啦~ 通常晚市做放題, 午市都會做套餐, 呢間都唔例外~
雜錦刺身飯餐, 包括沙律, 漬菜, 味噌湯, 蒸蛋同刺身飯, 而個飯竟然都有海膽! 雖然唔知質數如何, 但係誠意都搭夠啦! 仲要唔過一百蚊喎!!!! 抵囉!! 等等, 仲要有埋甜品.....好抵囉~ 可以翻兜, 講完!
2011/11/17
名苑酒家
中國人飲茶, 都係一種著重溝通嘅活動, 所以好開心! 唔好問我點解, 總之一聽到有得去飲茶就好開心! (外星人同外國人一樣都好鍾意飲茶咖!) 可能因為真係有得飲中國茶, 但可以肯定嘅係我好鍾意個氣氛! 大家圍埋一枱傾計, 感覺好warm.........
多得高球先生帶路, 又可以試新嘢喇~ 呢度啲staff好熱心, 不停推薦唔同嘅菜式, 不過我哋實在好有主見, 佢推薦嘅, 我哋一樣都冇take喎~
紅棗拉糕, 點解咁多點心唔上, 係要上咗甜品先呢......ok, 係我哋唔啱囉, 連埋甜品一齊落order....亦可能係因為店家唔認為呢個係甜品....點都好, 呢個color令我唔敢入口~~
蝦餃, 蘿蔔糕, 呢個質感幾好! 馬拉糕, 雖然我冇食, 不過呢個係我最愛點心嚟咖!
奶黃流沙包, 啲奶黃唔係流沙, 係噴沙咖.....
好似係叉燒腸粉, 好長好有造形囉~
好靚嘅燒賣!!!!!
瑤柱鮮菇炒伊麵, 啲麵有點碎.....有點難夾....
下次有機會又試下上面嗰間酒樓先~
2011/11/07
波羅蜜素食
上次嚟過記得食物, 價錢同環境都十分之好, 今日又係時候回味下~ 午市有多款套餐選擇, 多到可以日日嚟食都可以有唔同選擇, 又, 有冇人咁清心寡慾呢~
合掌瓜湯
食記積得太耐就係咁......唔記得呢個叫咩喇, 總之有銀耳, 木耳, 豆腐, 菇菌咁啦~
呢個係涼瓜煮魚, 啲腐皮同啲紫菜係度扮緊魚~
其實仲有甜品桂花糕, 不過冇乜特別無影到~
利小館
都寫過好多次, 六因為食文積得太耐, 所以呢遍文未出街前, 都已經食過4次喇! (爆) 我覺得利氏集團應該俾返個VIP member discount我囉! (仲爆)
以下係集合咗幾次嘅set lunch, 而set lunch嘅食物份量係同a la carte份量一樣咖! 所以咪話CP值高囉~
如果大家係呢度食過lunch, 係咪都會order a la carte呢?! 咁大家又知唔知其實呢度係有set lunch for 2呢? 唔知呢......係呀....都真係唔明點解咁大個利氏集團冇一張似樣少少嘅leaflet, 唔知係咪因為唔係offical嘅set lunch啦......well....我自己都唔知自己講緊咩~ 總之個餐CP值都幾高, 食得過咖! 提一提呢度冷氣好勁.....記得帶多件衫先好嚟呀!
以下係集合咗幾次嘅set lunch, 而set lunch嘅食物份量係同a la carte份量一樣咖! 所以咪話CP值高囉~
另外再加多一次dinner添~
2011/10/27
2011/10/25
The Bostonian Restaurant
有喜慶事梗係要食好啲啦! 仲要難得我揀地方, 我請客! 都真係好耐冇試過係星期六食得咁豐富喇, 所以我都好開心, 呢一餐真係好開心~
其實想食brunch, 但始終敵唔過要早起身嘅挑戰, 都係揀食lunch好啲......嘻嘻~~~ 年紀大, 對於食嘅量冇乜quota, 所以要重質, 又難得我有心食, 所以都真係要食好啲, 睇飯網呢度有哂我想食嘅, 又即管試下~ 揀尖沙咀區係因為食完可以shopping至天昏地暗......the best way to burn fat!!!!
其實想食brunch, 但始終敵唔過要早起身嘅挑戰, 都係揀食lunch好啲......嘻嘻~~~ 年紀大, 對於食嘅量冇乜quota, 所以要重質, 又難得我有心食, 所以都真係要食好啲, 睇飯網呢度有哂我想食嘅, 又即管試下~ 揀尖沙咀區係因為食完可以shopping至天昏地暗......the best way to burn fat!!!!
我真係好努力每日都食5色蔬果咖......後面紫紅色嘅red beet, 好唔明點解香港買咁貴!!! 係意國呢樣係親民價, 仲要ready to eat好方便, 方便到我日日食.........我知我好西人口味喇....
我重覆咗呢碟5次!!!! 仲有食咗3款smoked salmon, red beet, dill & black pepper, I'm the salmon killer!!!!!!!
唔識用刀叉嘅妹妹點咗羊扒, 好彩有妹夫係度, 如果唔係都唔知應唔應該order對筷子俾佢好.....
好妹夫嘅牛扒~
呢度環境好舒服, 大家食完又傾到唔想走, 但係人地要收場做cleaning......好啦......唯有快啲做出成績再慶祝啦~ 再次恭喜楊氏伉儷!!!!!
訂閱:
文章 (Atom)