Home Cafe & Restaurant

大家都真係好有心出嚟相聚, 所以每次都好用心地揀選心水餐廳, 亦因為咁大家每次都好開心, 開心到食完lunch唔想返工.......ok, 今次又有好介紹, 店名叫Home cafe & Restaurant, 環境真係好cozy, 連洗手間都好home feel, 雖說locate係跑馬地, 食物普通, 但價錢平易近人, 起碼見到某啲有用心先啦~ so suprises!!!!

Set lunch嘅湯, 開粉! 一粒菇碎都冇........如果有沙律揀就好喇......

香煎肉眼扒伴紅酒汁, 呢個一睇就知件扒係見得人先啦! 薯菜份量都幾多喎.....

香煎雞扒伴日式咖哩汁, 咖哩汁唔得, 睇個色都知, 好似啱啱用哂啲咖哩磚求其開多啲水算數咁....

焗意式龍利魚包伴芫茜茄汁, 真係搵錫紙包住焗, 咁又係咪真係焗熟呢?

開口嚟睇睇, 龍利魚係煎過咖喎, 咁即係煎完再包錫紙先再焗啦~ 求真完畢!

咖啡, 由識品咖啡嘅小姐開口讚囉!

Cammino

趁住中秋, 又係時候要幫下文老闆減輕荷包負擔喇~ (睇下我幾好丫, 知你荷包脹得濟幫你洗咁啲, 好等你唔好財多身子弱!) 又, 因為私心關係, 揀咗意大利菜......(好喇!好喇! 下次食日本嘢啦~ 反正大家日日都係反應堆工作, 都唔多怕幅射咖啦~) 又, 因為呢間有素食餐牌同信用卡優惠, 下刪萬個reason.........最後就揀咗怡東酒店嘅Cammino. 係就係有少少貴, 不過質數真係唔錯, 都冇所謂啦! 最緊要係幫文老闆減輕負擔嘛~

好細間嘅餐廳, 我地十幾人都已經包咗半場喇~ 就係因為餐廳細, 所以要分開2枱坐, 好彩都仲有個少少嘅buffet時間, 等2枱同事有少少交流, 我幾時都覺得食飯除咗為填肚, 仲係為咗溝通咖嘛! 今次lunch time用餐形式係, Appetizer buffet + Main course + Dessert + coffee/Tea

Appetizer bar冇影, 有baby spanich (鼓掌); Smoked Salmon, CC妹妹話有點咸; Pama ham, 日本小姐話冇特別; 蕃茄好juicy; 仲有芝士, olive好大粒........唔記得咁多喇.....

麵包冇食唔知咩味, 不過有focaccia都已經好good! 日本小姐話Grissini有芝士味~

Main:

Minestone, 亦都係冇飲咖! 不過知道係用雞上湯整囉~

意大利燴海鮮, 半個水上人咁嘅日本小姐都話啲seafood幾好食!

香煎玉米餅伴蕃茄燴雜豆, 好! 大! 份! 係香港真係好難食到Polenta (玉米餅), Polenta係咩嚟呢.....um....簡單啲嚟講, 即係將啲穀種打碎, 再加水/奶煮成一pat, 再整到好似糕咁, 之後可以焗/煎香嚟食! 即係食緊一件美化咗穀種, 而圖中呢個穀種都真係唔平咖~

蜆肉蕃紅花risotto, 呢個唔應該有問題!

Desserts:

Fruit Salad, 對於水果killer嘅我.......梗係唔夠喉啦!

Creme Brulee, 真係聽到日本小姐敲個無糖面係脆咖! 不過又因為糖嘅分佈唔均勻, 變咗有啲甜啲, 有啲淡啲~

Tiramisu, 我超欣賞呢個, 單憑個外形, 就已經令我諗下係羅馬食嘅Tiramisu, 因為大家都係一個雪糕球咁嘅形狀, 感覺上好正宗......而味道係, very nice!

Coffee/Tea:

Cappuccino 同 Coffee都冇咩特別, 而驚喜在latte度! 因為有拉花咖!! Special thanks for your backdrop!!

再次多謝文老闆慷慨請客, 又好多謝同事們嘅參與, 希望大家都食得開心, 相處融洽, 工作愉快; 小妹真係好感恩入到呢team, 成為大家嘅一份子咖! 多謝~~~~

根記健康素食

每憑睇飲食雜誌介紹素食, 都一定會介紹呢間根記, 睇咗咁耐, 終於都嚟到訪喇~ 原以為街市食店係free seating, 但係因為根記係素食店, 所以屬於根記嘅食桌, 都會有貼上"請勿攜腥, 葷進食", 大家要留意喇~

大部份人都食幾餸飯, 今日SH太太同CC妹妹就好齊心地一齊食粉麵.......如圖所示, 成枱加埋50蚊到啦~ 銅鑼灣嚟講, 好抵食喎! 下次嚟要試下幾餸飯又係點先~

呢個應該係麵根, 好正常嘅顏色, 唔似啲3色齋咁, 瑩光橙色...都唔知食唔食好~

腐皮冬菇札, 唔應該唔好食啦~

八喜 (3訪)

好耐都冇同過Sam哥食飯喇~ 記得對上一次係好開心嘅Agnes b, 今次雖然唔係team lunch, 但由於呢team人數單薄, 加埋我同CC妹妹, 就成咗一個team lunch咁喇~ 近近地八喜4位啦!

食物都係一般大集團質數啦~ 最好就係呢度唔洗等位, 又坐得舒服; 其實就算我唔食, 我都真係幾鍾意飲茶呢個活動, 成班人圍埋一齊吹水講笑, 真係好開心咖!!!!

呢個餃子大家食完都讚咖~

皇廷匯

我老闆同人地公司老闆係朋友, 而我就同呢個老闆嘅秘書做朋友, 多謝我老闆俾我一個認識新朋友嘅機會~ 因為朋友仔係中環返工, 我當然善用公司福利, 坐shuttle bus去中環食lunh啦~ 又, 我淨係識夜晚嘅中環, 日頭嘅中環唔係friend嚟咖, 好彩CC妹係前中環人啫~ 搵嚟唔多覺有呢間酒樓嘅皇廷滙

CC妹妹似乎好肚餓, 2個人食嘢, 就叫咗5個點心, 1個菜.....最後又係要打包, 要留意係呢度一個外賣盒1蚊; 食物係幾好食, 不過師傅多, CC妹妹食完勁飲水~ 即係又唔關我事啦~

叉燒腸粉

蘿蔔糕, 呢個好濃蘿蔔味!!

魚湯(?)魚腐浸娃娃菜

叉燒包, 賭神至愛呀! 鳳爪, 蒸素菜餃, 個皮好淋呀~

午市唔單只有上班族, 仲有遊客, um......啲traveller仲知定過我呀......唉~~~

富哥廚房

CL太太極力推薦呢度!! 不過唔知點解餐廳名有點複雜, 又叫富哥廚房, 而menu又叫譽江南, 點解好, 總之食物好食, 又坐得舒服就得啦~

Lunch係有set, 一個平啲, 一個貴啲, 唔知邊個餐包括咩, 總之呢餐就有哂冷盤小食, 湯, 小菜, 炒飯, 甜品.......仲有杯豆漿添呀......最後咪飽到要打包走囉~ 所有食物都好好食, 環境又靚又舒服, 可能晚市會貴, 但係午市呢個價我又覺得好值喎! 如果公司係附近就好啦....可以成日嚟喇~

環境真係幾靚咖~ 仲有落地玻璃, 又有梳化, 連洗手間門都係好靚嘅畫嚟咖~

桂花茶~

鎮江肴肉, 煙燻素鵝, 四喜烤夫

蕃茄蛋花湯, 酸辣湯

紅燒獅子頭, 小籠包

薑米蛋花炒飯

炒白菜

黑醋小腩排

桂花龍眼糕

用得人名做招牌, 希望真係食到富哥嘅手勢, 可能你覺得我好天真, 不過又咁諗, 好多時食西餐, 個主廚都會出樓面同啲客交流下, 唔知點解中菜又冇呢一套, 有時覺得好食想讚又唔可以當面讚, 唔好食又冇得反映, 其實中國人係咪咁零溝通咖........

利小館

事隔一年先再返嚟利小館, 印象中, 呢間只係味精當道的食物, well.....唔係我食, 唔關我事~ 既然飯腳唔介意, 去囉~

原湯野菌娃娃菜, 美女廚房喎! 菜頭部份唔熟, 講完!

上海炒粗麵, 呢個正常幾好~

燒賣, 基本點心, 唔可能做得唔好, 只係唔會做得好出色咁解囉~

如果幾年後佢仲生意興隆我就再嚟啦~

大戶屋

CC妹妹話係泰國都有大戶屋, 價錢仲要比香港平添, 唔知真定假~

以下2個餐, 一個叫親子, 一個叫媽媽~ 有單為証, 堅咖!

此乃親子

此乃媽媽

百伏棧台灣小吃

當大家係lunch time時間調節緊身體能量需要嘅時候, 我都需要精神嘅食糧; 又因為要到灣仔街市買嘢, 多謝惠瑪小姐介紹呢間百伏棧俾我, 如果唔係我都真係好難搵食搵到嚟大有商場.....

天時暑熱食冷麵, 海蜇三絲冷麵, 真係凍, 唔係溫咖! 溫度對於冷麵嚟講真係好重要咖! 咁多麻醬, 一定好香口啦~

塑化制關係, 要咗淨胚芽奶茶!

好彩我哋早嚟, 因為當我哋食完走個時, 超多人等位!! lunch time 時間已經緊迫, 仲要花時間等位, 我真係唔制呀!!! um.........我幾時先可以好豪地想食邊個國家嘅菜就買機票去嗰個國家度食呢?

Inn Side Out

從來都唔知Inn Side Out會有set lunch喎, 多謝細細粒佢地又帶我去見識喇~ 一如酒吧風格, set lunch都係好美式嘅食物啦~ 之前係呢度嘅印象係, 食物好味, 反而飲品唔得囉~ 奇怪, 一間酒吧竟然飲品唔得.......又咁講, 可能呢間bar1打啤酒~~

Set lunch嘅cream soup, 好creamy囉!!!

A la carte嘅Nachos, 僂儸不停強調呢度係最好食, 尤其係多芝士嘅部份!

Prawn, Avocado, Mango & Rocker Salad, 睇個樣都知好食啦........如果啲olive oil可以輕手啲~~

A la carte嘅Macaroni & Cheese, 勁熱, 好新鮮, 愛cheese嘅一定鍾意!

Set lunch嘅甜品, Creme Caramel, 雖然跟餐, 不過都唔hea喎!

食呢餐嗰時都仲係盛夏, 即使呢度有out door seating, 都冇咩人坐.....坐嘅就只有抽煙一族, 乜抽煙真係咁緊要咩??