千秋樂

都冇乜得幾何走咁遠食lunch咖喇~ 一直都以為千秋樂係燒肉店, 大家都知我都唔係食肉獸, 都諗住同呢間嚀冇緣咖喇! 又係多得飯腳們好帶擘啦~

大家看圖識食, 唔多講! 食物不過不失咁囉~ 唯一都幾like佢呢度嘅卡座, 因為係L Shape, 我最鍾意就係呢種坐位, 因為大家可以親近啲! 嘻嘻~~~

The Bostonian Restaurant

有喜慶事梗係要食好啲啦! 仲要難得我揀地方, 我請客! 都真係好耐冇試過係星期六食得咁豐富喇, 所以我都好開心, 呢一餐真係好開心~

其實想食brunch, 但始終敵唔過要早起身嘅挑戰, 都係揀食lunch好啲......嘻嘻~~~ 年紀大, 對於食嘅量冇乜quota, 所以要重質, 又難得我有心食, 所以都真係要食好啲, 睇飯網呢度有哂我想食嘅, 又即管試下~ 揀尖沙咀區係因為食完可以shopping至天昏地暗......the best way to burn fat!!!!

我真係好努力每日都食5色蔬果咖......後面紫紅色嘅red beet, 好唔明點解香港買咁貴!!! 係意國呢樣係親民價, 仲要ready to eat好方便, 方便到我日日食.........我知我好西人口味喇....

我重覆咗呢碟5次!!!! 仲有食咗3款smoked salmon, red beet, dill & black pepper, I'm the salmon killer!!!!!!!

唔識用刀叉嘅妹妹點咗羊扒, 好彩有妹夫係度, 如果唔係都唔知應唔應該order對筷子俾佢好.....

好妹夫嘅牛扒~

呢度環境好舒服, 大家食完又傾到唔想走, 但係人地要收場做cleaning......好啦......唯有快啲做出成績再慶祝啦~ 再次恭喜楊氏伉儷!!!!!

夏麵館

如果唔係佢開分店開到嚟銅鑼灣, 我諗我呢世都唔會試到呢間餐廳....又, 唔知係咪期望過高, 所以有啲失望呢.....

馬蘭頭百頁卷, 有如炮竹般的細小.......兒童餐麼....食物造型係冇需要如此可愛

食咁多次上海菜, 終於有人點上海年糕喇~~~

呢度好吊詭....所有餐具都係用膠咖......

峰壽司

不惜路途遙遠(其實係過多2條馬路), 都要嚟! 因為真係好想轉下口味囉! 已經好大原因啦~

峰壽司曾經都紅極一時, 自己開分店之餘, 亦面對唔少新對手, 直到依家唔知質數點呢~ 點都好, 午市有定食, 而據細細粒所講, 比時代廣場地庫嗰間抵食~ 唔縑要過多2條馬路, 其實食下呢間都幾好丫~

秋之歌

係我個星球, 聽歌都有季節咖~ 呢首歌雖然係泰文, 完全唔明內容講乜, 但係個melody好秋天呀! 所以都特登等到天氣有點秋意先介紹俾大家, hope all of u like it!!!!!

紫玉蘭

要係中環分公司附近搵食都真係有啲難度, 好彩有班姐姐帶路! 大集團之下嘅高檔上海菜, 紫玉蘭.....個名幾高雅, 餐桌擺設亦有大家閏秀嘅感覺, 仲要個個位都唔同圖像咖~~~

well, 高檔意指地點, 價位同擺位, 唔代表all the round都咁高數質~ um.......以呢個價位, 應該仲有唔少嘅進步空間囉~ 係....係我唔啱....學人讀餐飲禮儀......原諒我呢啲少數族裔啦~~~

呢個炒飯炒得好靚, 粒粒都金黃色之餘仲要夠乾身!

涼拌粉皮, 詭異地係冇麻醬咖! 我懷疑呢個係fusion囉~

手撕雞, 好神秘地蒜汁係底~

我係依照上菜嘅先後次序upload咖......係喎, 由熱盤食返轉頭到涼拌, 大家食自助餐都係咁咖啦~ 好奇咩~

Manzo

月頭關係, 又係時候plan一下呢個月嘅工作喇.....又, 因為經過辛苦嘅9月, 都真係有需要食返餐好嘅! 細細粒介紹咗同樣有semi-buffet嘅Manzo, 又試下先~

Manzo係Dining Concepts Group旗下餐廳之一, 好坐就一定咖喇! 食物質數都有一定水準, 唯一就係睇下係對唔對個人口味喇~

冇影食物相, 但係就紀錄咗桌面擺設作參考! 呢間係扒房, 所以利用咗餐巾介紹牛嘅各部份, 其實我唔食牛咖.......

東京和食sun

有聞轉咗menu, 所以又搵個藉口食飯~ 飲恨今次Book唔到VIP area......(咬巾!)

轉咗新menu之後, 套餐flexible咗, 可以選擇性地加錢要多個烏冬, 對於細食嘅朋友嚟講係好事, 對地球嚟邁都係好事, 環保啲! 唔好咁浪費!

親子蓋飯定食, 飯太濕....

蜆肉蓋飯定食, 蜆有沙...

壽司烏冬定食

炸雞卷煎三文魚定食

午市都叫做抵食, 不過CP值我就覺得唔係好高, 我認我老土, 鍾情於正宗日食!

金滿庭京川滬菜館 (3訪)

又farewell lunch.......個市真係咁好咩.......咁多人走.....又, 可能同事們真係好有錢唔洗做啦~ 幾時先到我呀???!!! 都有一段時間冇食過金滿庭, 水準keep得住嘅食店冇咩幾多間, 呢間係少有之一!

因為唔食魚嘅朋友已經唔在.....銅鑼灣....(大家唔好諗嘢!) 所以可以order魚類菜式~ 又, 因為人少少, 今次試咗唔少新嘢.

醉雞, 炸醬麵; 個麵係一致讚好, 但係就冇人飲個湯喎~

賽磅蟹

雞粥魚塊, 大慨係咁嘅名啦! 巧稀呀.......似雞湯米碎多過似雞粥囉~ 而魚如常係滑嘅~

有驚喜, 午市新增送糖水, 今日係雪梨雪耳~ 巧潤呀!

18 禁歌

近期大愛呀!! 真係好hot, 淨係聽英文都已經夠hot, 如果識聽埋韓文真係......嘩! 唔得了呀!

港產精緻散水餅

颱風之日, 山長水遠由九龍城拎到灣仔, 所以有啲散散地~ 但我好欣賞呢位同事嘅真誠~ 應該好多人一睇就知道係邊間啦~

千両

因為唔想去味精中菜館, 所以又私心地揀咗千両, 早吃飯嘅好處係唔洗等位! 我都真係幾鐘意嚟呢度, 因為綠茶真係幾好飲! 眾人對午市定食冇興趣, 都啱丫, 嚟迴轉壽司店梗係食壽司啦! 仲食咩定食.....

魚肝軍艦

呢個吞拿魚腩係飯還飯, 魚還魚咁.....

加州卷, 野菜鰻魚卷

蟹捧

鰻魚

唔該哂劉已達先生幫我地落單~~~

翡翠拉麵小籠包

原本又係去黑口黑面餐廳, 但真係唔多想受, 反正時候尚早, 決定轉場去翡翠拉麵小籠包, 服務唔係特別好, 不過至少唔會黑面丫! 因為想坐卡位, 所以等咗5分鐘, 幾好丫, 又唔係5個鐘! 睇下個餐牌, 不愧為遊客食店, 有點少貴.....又, 呢度茶水係好似茶餐廳咁, 由個服務生添茶, 都添得幾密, 唔錯!

醉雞, 呢個係正常版, 點解咁講? 因為餐牌仲有一個叫健怡醉雞囉~

炒鱔糊, $7X嚟講, 好細碟.......

煎餃子, 新鮮煎出嚟咁喎~