被動者

如非必要, 都不會主動say hi, 我是被動的......除了第一次......
溝通原是這樣......還是......從誤會中認識
又開始迷糊......還是......從沒清醒過
不想再想......總是......忘記不了

心......突然的好很痛!! wo~wo~

今日D骨又痛喇!! 今次仲要比平時更痛, 痛的時間又比平時長, 仲要2邊肋骨一齊痛, 救命呀! 點解我會咁咖?? 今次真係要下定決心睇下醫生喇!!

救命藥膏

今天收到男友寄來的郵件, 很開心, 因為有救眼睛的藍莓素, 有為我解悶的書和雜誌, 為皮膚保濕的面紙和我最愛加入乳酪一齊食的綠茶粉........又好感謝男友的悉心安排......但是尋遍整個盒, 都沒有最救命的無比膏!!!!!!! 已經點了蚊香, 但蚊子實在太多, 又經常叮我......好可惡!!! 蚊呀蚊, 我已經有貧血咖喇, 好可憐, 求求你們高台貴針, 唔好再針我叮我啦~~~

我笑...

知道男友正努力埋頭苦幹, 又幫不了, 心裡不是味兒, 唯有默默支持. 不敢做任何騷擾性的動作, 包括send email, skype.....還乖乖的保持自己心情開朗, 除時候命氹大少開心......我還可以做什麼!!
無奈的.......但依然要笑......你快樂所以我快樂, 這句很out (!) update version: 我快樂是為了帶給你快樂, 所以我笑!!

溏心風暴

從來都沒有追看電視的習慣, 周末遊手好閒, 就選擇看電視劇集kill time. 記得男友曾經推薦無線劇集<溏心風暴>給我看. 想不到, 現在的劇集又真的蠻管看......當中亦包含不少做人道理, 劇中的大媽 持家有道, 而挽救兒子婚姻的一段說話特別深刻, 人海茫茫, 要找一個彼此深愛對方的人, 真的不易, 希望大家要珍惜珍惜!!

奇洛李维斯回信

很乖的ee:
......你的獎勵我完全答允...(下冊50字)

我講:
好開心呀, 攞到批文, 又買左喇!!!! 自問並不是一個喜歡敗家的女孩, 而這種強烈的敗家慾好耐都沒有出現過了, 真的很喜歡, 在家裡不停試穿, 左走右走, 還要為它們拍寫真呢! 嘻嘻~

同你講:
你永遠都是把我寵壞的, 多謝你, 我的至愛YY!

給奇洛李维斯的信

我至愛偉大又英俊瀟灑YY男友,

我今天很乖, 因為我煲飯食, 是一粒粒的米煮成飯的飯~ 我不會只是今天食, 因為米很大包, 所以會天天食, 直至食完為止. <平常的我是絕少踫澱粉質食物, 更枉論是飯!!>
工作方面, 每天都很努力, 一切都努力中, 沒有放棄, 很聽話, 因為要正面. <因為我一向都很悲觀>
還有, 每天都對著鏡子笑, 笑完先出街, 因為要樂觀. <原因同上, 所以很少會笑>
看~ 我真的很乖呀~ 小朋友是要獎勵的......

我今天行街, 公餘時間, 沒有偷懶, 很乖(!), 入了一間做6折的店子, 十分精打細算(讚), 先睇男裝, 因為想選東西給你, 又很乖(!), 但是沒有東西岩你, 對不起! (很有禮貌的小朋友), 然後, 去了睇女裝.....只看有打折的東西 (因為要節儉, 讚), 看了2對高跟黑皮鞋, 一對是D&G(原價356歐/做40%off, 註: 很抵!!) ; 另一對是prada (原價318歐/做40%off, 註: 又很抵!!), 2對均是今季款很難得有打折呢~ (註: 機會唔係成日有, 有個時要把握!)
親愛的YY男友, 是時候想想獎勵Devila喇~ kekee......又笑, 抵讚!!
註: 我好想儲asiamile呢.......<因為碌自己信用卡可以儲分>

很乖的Devila上

等待回覆中, 答案明天公佈~~

中風危機

睡 太 少 太 多 都 無 益 (source from 蘋果日報, 2008-07-23)


睡 得 太 少 或 太 多 也 無 益 ， 睡 七 小 時 最 適 中 。 美 國 北 卡 羅 萊 納 州 大 學 一 項 有 93,175 名 50 至 79 歲 女 士 參 加 的 研 究 ， 在 長 達 七 年 半 的 跟 進 過 程 中 ， 有 1,166 人 患 上 缺 血 性 中 風 ， 研 究 比 較 了 每 日 睡 六 小 時 或 以 下 、 八 小 時 及 九 小 時 或 以 上 女 士 中 風 的 風 險 ， 若 與 每 日 睡 七 小 時 比 較 ， 睡 六 小 時 或 以 下 的 人 中 風 機 會 增 14% ， 睡 八 小 時 則 增 24% ， 九 小 時 或 以 上 更 增 70% 。

我講:

我 weekday 就瞓 4-6 個鐘, weekend 就昏迷12個鐘(!), 會唔會有一日瞓醒就賴嘢咖??? 定還是 average 計數, 14% + 70% 除2 = 42%
唔到50%, 我好健康(?!)

時日午餐

由屋企步行到公司, 單程需時半個鐘, 返工, 回家午飯, 返回公司, 放工, 共花了2個鐘, 個人認為午餐回家簡直浪費時間 (縱使我沒事做......) 所以決定自製 Lunch box 帶回公司, 我寧願花時間準備 Lunch box , 也不用來白行!!



因為公司沒有雪櫃和叮叮爐, 所以只可帶沙律和三文治等輕食, 反正午餐也不用太豊富~~ 甜椒真的很甜, 顏色又靚, 蛋是早上烚熟的, 個人口味不愛蛋黃, 所以益了垃圾桶, 沒有蛋黃的蛋白拍照不美, 所以用了車里茄補上, 嘻嘻~ 今天特別想快點到 Lunch time 呢~~~

仔仔

心情比昨天平靜, 但依然不是好心情.

收到男友 email 來的可愛照片, 真的很可愛, 只要見到仔仔, 心情總是輕鬆不少, 或許下次真的要認真考慮帶同仔仔一齊出 Trip 呢~
心甜了不少, 但還是要多點時間平伏, 在此謝謝男友的苦心.

第157天

今天已是第157天, 日子越來越過得無聊又無意義, 我的仙樂都係邊?