請閉上眼睛, 好好放鬆心情, 享受這3分半鐘的夏日清新悠閒!
2011/06/26
稻香
呢排壓力指數好高, 多得拍枱午餐可以俾我抒發下~ 因為要拍枱, 所以都不能揾啲太靜嘅地方, 嚇親隔離枱就唔好啦~ 是日選址 - 稻香
店子位於北海中心, 一直都唔知呢度有間稻香喎~ 5個人有得坐卡位, 環境又夠嘈, 啱哂拍枱! 不過都要食嘅, 又睇下食物如何~~
白灼菜心, 上咗力架喎....豉油唔使錢? 咁多嘅...........
鴛鴦雙潮, 即係蝦餃+粉果, 如果可以自選雙併就好喇~
粟米花枝餅, 好薄, 一致性地讚好食! 生煎菜肉包, 好懷疑呢個係澱粉質小姐點咖~ 又, CL太太話個辣椒油唔係辣椒油, 而係XO醬~ 咁落本?!
紅燒乳鴿, 懷疑係CL太太點嚟俾我影相咖! 素鵝, 好一個真假燒味對照~~
翡翠叉燒腸, 有翠肉瓜係裡面咖~
香麻煎堆仔, 驚喜地: 餡係紫蕃薯蓉, 仲要係整得好好食喎~
原蝦燒賣皇, 燒賣嚟講佢都算貴咖喇~ $18.8, 不過原隻蝦喎!
叫到咁行, 最後仲要打包做下午茶, 除開4個人位位唔使$60, 好抵喎! 要翻兜喇! 反正呢次掛住拍枱, 唔記得變魔術添~ Yo friend! give me your schedule!!!
2011/06/21
2011/06/20
銅鑼灣海都酒家
我覺得我個腦得2樣嘢, 錢同食! 錢就真係冇喇! 請大家多多益善~~~~ 食呢.....我知你地會講咩!!!!! 但係總之有關於食嘅, 我都會好留意啦~ 所以我亦都留意到銅鑼灣新開咗間海都喎!!!! 是日選址 - 海都酒家
開飯網都未有呀~ kekeke.......
酒家位置係皇冠假日裡面宴會廳, 睇嚟呢度宴會嘅booking都好唔滿吓喎.......環境都幾舒服, 服務梗係好啦~ 食物又好食~ 真係一分錢一分貨咖~ 又睇下食咩先啦~
呢個應該叫做咩呀? 即係開茶嗰時局你要嗰碟呀~ by the way啦! 炸銀魚&咸脆花生, CL太太話: "好好食喎, 好脆喎~" 我睇佢個樣, 如果唔係熱氣佢應該成碟食哂!
三角形係露筍鮮蝦餃, 另外嗰個係粉果, 睇都知層皮好夠薄; CL太太話一定要影埋個辣椒油喎! 因為擺盤靚呀~~
菠蘿燒雞卷, 啱哂愛澱粉質嘅VT小姐~
迷你蛋撻仔, 牛油皮.......佢令我諗起家父係我未夠6歲嗰時, 已經係屋企DIY蛋撻......好勁!
鴛鴦龍門米, 好正! 名又正, 食味都正! 話就話炒米, 其實當中仲混合咗粉絲, 配料足, 又唔太咸, 真係食得到個cooking skill出嚟囉! 梗係啦........$108喎!! (我....開始....覺得自己有點癲.....竟然咁樣去形容一碟炒米......)
所有點心都係即叫即蒸, 所以都需要點時間, 同埋價錢一啲都唔平, 不過我都覺得係值嘅! 好間唔中一次, ok啦~
題外話: 同一時間, 見到小S坐係我哋隔離枱, 素顏帶眼鏡, 同化妝分別唔係好大, 真人有點瘦, 不過上鏡都差唔多喇~ 如果要我形容佢呢個造型, 一定唔會用靚, "型"會貼切啲!
地址: 香港銅鑼灣皇冠假日酒店2樓
電話: 2972 2813
鍾菜
要搵一個好坐, 唔太嘈, 食物OK, 仲要價錢合理嘅酒樓, 銅鑼灣呢區究竟有冇可能做到呢? well, 我覺得呢間都叫做幾ok唔錯, 都真係抵你做到上市咖! 是日選址 - 鍾菜
So sorry out focus咗~ 左邊係粉果, 右邊係奶黃馬拉卷, 我都話呢個係全稻香旗下酒樓都有咖啦~
熱到出煙紅棗糕, 有layer, CC妹妹好鍾意呢個! (新年上你屋企整啦~)
肉絲雜菇炒麵, 咁就88蚊喇.......咁叫平定貴呀?
我冇食所有嘢都唔知味, 當日亦冇心情去研究! 不過真係幾好坐, 3個人坐卡位, 仲要係闊嗰隻喎! 如果下午茶冇咁嘅閒情逸緻, 嚟呢度hea下都幾唔錯.....唉! 我幾時先有呢日呀!!!!!!!
地址: 銅鑼灣時代廣場食通天10樓1001號舖
電話: 2506 9128
2011/06/10
2011/06/09
客家好棧
先同大家say sorry! 我唔係唔想update, 但呢期實在忙得要死, 繼而攰死, 所以冇update...見今日好少少, 嚟個快打~
月頭食飯月中先寫, 我都覺得有啲過份.....well, 第一次同僂儸食飯, 深感榮幸呀! 是日選址 - 客家好棧, 我都好耐冇嚟喇~
上咗力架嘅油菜, 細細粒話幾鮮甜喎!
超熱叉燒菠蘿包, 唔覺好多叉燒係裡面....不過真係熱到出哂煙!
肉絲炒烏冬, 細細粒唔多油之餘仲幾好食~
生煎包, 咪生煎包味囉~ (hea寫中....)
奶黃馬拉卷, 我懷疑呢個係稻香集團旗下茶樓都有咖!
有冇人知道呢隻叫咩餃呀?
茄子炆魚腩, 僂儸都話呢個好味呀!
鮮竹卷, 如果我冇記錯........
僂儸好驚訝我真係乜都唔食, 對唔住呀! 嚇親你個弱小心靈添~ 仲有, 下次可唔可以都俾我參與下呢......因為呢次連點心紙都冇掂過囉........零發表權呀!
地址: 銅鑼灣波斯富街99號利舞臺廣場21樓
電話: 2881 8578
2011/06/08
La Cucina Italiana
又係同4 朵金花食飯嘅日子, 今次轉移陣地去灣仔, 是日選址 - La Cucina Italiana
Crema di Verdura (Creamy Vegetable Soup), CL太太形容為好有蔬菜味, 果然雞有雞味, 菜有菜味!
Minestone di Verdura (Vegetable Soup), 英文翻譯呢個湯就好正常, 不過如果用返意大利文睇呢個湯呢, 明顯係唔正宗, 因為Minestone係應該要有意粉嘅~ 但係呢個冇囉~
Margherita Pizza, menu上寫明係23cm, 最傳統嘅pizza, 新鮮焗起, 好香芝士味, 但係點解冇basil leaves咖?
Sogliola alla Milanese (Sole Fish in Milanese Style), CL太太: "魚唔乾, 有肉汁, 雖然係炸, 但係都好滑, 冇雪味添~ $108係值咖~" 唔該哂CL太太詳盡食評!
店子位於QRE食廈21樓及22樓, 升降機只停21樓, 即係有一半機會"更上一層樓", 店內環境都幾唔錯咖~ 好有田園氣息, 接待處仲有個水池添, 不過冇影到~
有6款價錢為$88-$108嘅Set Lunch供應, 又睇下值唔值丫~
Crema di Verdura (Creamy Vegetable Soup), CL太太形容為好有蔬菜味, 果然雞有雞味, 菜有菜味!Minestone di Verdura (Vegetable Soup), 英文翻譯呢個湯就好正常, 不過如果用返意大利文睇呢個湯呢, 明顯係唔正宗, 因為Minestone係應該要有意粉嘅~ 但係呢個冇囉~Margherita Pizza, menu上寫明係23cm, 最傳統嘅pizza, 新鮮焗起, 好香芝士味, 但係點解冇basil leaves咖?Spaghetti Bolognese, 一字記之曰: hea!
Sogliola alla Milanese (Sole Fish in Milanese Style), CL太太: "魚唔乾, 有肉汁, 雖然係炸, 但係都好滑, 冇雪味添~ $108係值咖~" 唔該哂CL太太詳盡食評!連餐飲, 不過裝奶嘅容器唔多好用, 裝得奶少之餘, 倒嗰時仲搞到周圍都係! 建議都係換咗佢啦!
呢度所有餐廳員工都係外籍人士, 所以連book位都係要講英文, 咁其實會唔會有少少自斷米路呢?
2011/06/06
Two Greedy Italians
實不相瞞, 我其實真係極度之好食懶飛, 做任何事第一樣諗嘅就係食同玩~ 當中食係佔大部份!! 你見我寫得呢個飲食blog都知我有幾鍾意食啦~
近期上網search節目, 好開心地發現有個我覺得做得唔錯嘅飲食節目係BBC度播緊, 節目名如題, 由2位知名意大利廚師一路食, 一路煮, 一路玩哂成個意大利~ 而其中一個廚師Gennaro, 仲係Jamie Oliver嘅意大利菜啟蒙老師嚟添呀! 意大利人教煮意大利菜, 都冇得唔正宗喇呱~ 大家唔需要擔心聽唔明意大利文, 由於呢個節目係由英個BBC制作, 所以係講英文嘅.
如果鍾意食意大利食品, 又想識多啲意大利飲食文化, 我強烈推薦呢個節目呀~
知多啲: Two Greedy Italians
訂閱：
文章 (Atom)