2011/03/28
美心MX
話哂今日放假, 好好地我都唔會咁神心走出街同人食飯, 不過今日個對象係靚仔徐醫生喎~ 梗係唔同啦~ 是日選址 - 美心MX (北角南天大廈店) 經典下午茶餐, 燒鵝瀨粉配咖啡; 據徐醫生所講, 呢間分店嘅燒味係港島嚟講係數一數二, 大家可以試下~ 我都唔知幾耐冇食過呢啲下午茶喇.......又突然好想食叉燒添.......唉~~~ 又咁講: 我真係好鍾意見到徐醫生咖!!! 除咗佢靚仔之外, 最重要係每一次都會係佢身上學到嘢! 呢樣係令我覺得我冇浪費過時間同埋每次都會好開心地應約嘅最大原因! 我都唔想咁煩, 不過都真係好想借個位嚟同佢講句, <<徐醫生, 好多謝你呀!!!!!>> 美心MX (北角南天大廈店) 地址: 北角英皇道275號南天大廈地下電話: 2578 6301
木瓜眉豆扁豆湯
我都唔知點解一年四季我啲皮膚都咁乾, 但係身體裡面呢就有啲中醫所講嘅"內濕", 真係煩! 袪濕之餘又要幫皮膚補濕.....OK~ 咁就成就咗今日呢個既滋潤又袪濕嘅木瓜湯喇~ 是日湯譜 - 木瓜眉豆扁豆湯
步驟:
材料 (左起順時針): 淮山, 蜜棗, 冬菇, 眉豆扁豆, 紅蘿蔔, 青木瓜
木瓜可以滋潤皮膚, 眉豆扁豆可以健脾去濕; 我知有好多人都唔鍾意木瓜, 覺得佢有種特別味道, 不過因為我用咗全青木瓜, 同埋冬菇, 煲起上嚟冬菇味大過一切~ 其實煲湯最好就係用全青木瓜, 揀嘅時候, 要成個瓜表皮係青色, 唔好有黃, 黃即係熟囉~ 同埋要一啲長身嘅, 因為長身即係公, 少啲核~ 我今次啲冬菇超大隻, 煲成上嚟冬菇味大過一切, 大家都可以菇多啲冬菇去蓋過木瓜味咖~
步驟:
1. 冬菇洗淨浸軟, 留起冬菇水, 備用
2. 眉豆扁豆略浸, 淮山, 蜜棗洗淨
3. 青木瓜, 紅蘿蔔清淨去皮, 切大塊
4. 所有材料放入煲, 下凍水, 煲滾起計煲2小時即可~ (我未水滾, 所以較3小時)
2011/03/25
是日午餐
我都唔知邊度得嚟咁大勇氣去做針灸調理, 中午做完針灸之後, 個人酸酸軟軟咁, 行都行得有啲勉強, 午餐當然煮唔到啦.......好彩公司canteen有自選沙律啫~~
My Choice: 玻璃生菜, 車厘茄, 西蘭花, 烚蛋, 薯仔伴黑醋, 可能因為蛋黃加黑醋關係, 搞到個沙律灰灰黑黑咁, even樣唔靚, 不過都幾好食~ 如果唔係醫師叫我要食返少少澱粉質, 我真係唔揀薯仔呀! 証明其實我都係一個好乖嘅小朋友.........菜+菜+菜.....咁就收28蚊喇! 所以我幾like食沙律都好, 呢次先係我第二次食canteen嘢咋~~
2011/03/23
即影即有
大家見到呢個blog裡面所有相, 其實都係用我部手機影咖~ 係我角度, 旨在記錄, 當然有埋質素及美感就最好啦~ 其實我都有部傻瓜機嘅........不過又要extra帶部野出街, 我就兼佢重囉~ 我知......iphone嘛.......對唔住, 真係唔知點解我零慾望去擁有iphone.......
對於相機嘅喜好, 又再次出賣咗我係外星人嘅身份 (唔用蘋果牌已經好外星.....我知!), 我第一部自資擁有嘅相機, 就係一部Polariod即影即有 (依家用Fuji.) 唔理用咩牌子, 感覺上即影即有係特別有feel, 好愛好愛! (肉緊ing.....) 每一張都覺得佢特別珍貴, 事實上每一張都真係特別貴........
最近唔覺意睇到呢個好浪漫而又唔肉麻嘅即影即有相機廣告, 雖然我一個韓字都唔識, 不過我都feel到哂! 記得睇到最後呀!
對於相機嘅喜好, 又再次出賣咗我係外星人嘅身份 (唔用蘋果牌已經好外星.....我知!), 我第一部自資擁有嘅相機, 就係一部Polariod即影即有 (依家用Fuji.) 唔理用咩牌子, 感覺上即影即有係特別有feel, 好愛好愛! (肉緊ing.....) 每一張都覺得佢特別珍貴, 事實上每一張都真係特別貴........
最近唔覺意睇到呢個好浪漫而又唔肉麻嘅即影即有相機廣告, 雖然我一個韓字都唔識, 不過我都feel到哂! 記得睇到最後呀!
2011/03/22
人情味
身為文老闆嘅秘書兼任庶務部CEO, 我覺得我係有責任去維持我team同事嘅身心健康, 俾我老闆去慢慢摔嘅! 有見及此, 我就負責為大家安排健康嘅下午茶, 今日就為大家準備咗楊桃.
係咪好大個, 好靚呢~~ 呢度$20, 唔知抵唔抵, 不過就一定靚囉~
話說小妹平時實在太多口喇! 同街市啲檔主係唔係都傾一餐, 所以佢地都好樂意揀啲最靚嘅貨俾我, 又會教我點揀, 點煮~ 好似今日咁, 我竟然唔記得帶銀包去買生果囉! 好彩生果檔老闆對我好好, 主動叫我下次先俾.......好感動呀! 呢個就係點解我鍾意行傳統街市嘅原因, 因為有人情味!
來自韓國嘅零咀
文老闆都真係對我地唔錯咖~ 出trip都會帶啲手信返嚟俾我地呢班嘩鬼~ 雖然買手信呢個動作都係在我威迫之下發生, 不過so far佢都有做丫~ 乖..........(呢個員工好大個膽子呀!)
呢堆手信就係文老闆嘅板圖喇! 分別係韓國, 印尼, 菲律賓同埋佢返老家時嘅英國.
而最特別嘅呢就係呢個紫菜朱古力, 日本小姐見到就已經覺得呢個combination好奇怪, 奇到覺得佢唔好食, 印象差到係要拎住呢盒嘢入文老闆房話韓國嘢唔好食咖.......well, 俾次機會好冇? 話哂我都係半個韓國親善大使丫.......獨立包裝都幾好ok啦! 雖然係冇日本咁精緻........韓國嘅朋友們, 加油呀!! fighting!
好俾面地, 日本小姐拎咗1片去分開4格同人share囉......唔該俾啲掌聲佢咁勇於嘗試丫!!! 總結食後感係一片帶有味付紫菜香氣嘅朱古力, 沒有奇怪的紫菜咸, 一整片都是朱古力的甜~
而最特別嘅呢就係呢個紫菜朱古力, 日本小姐見到就已經覺得呢個combination好奇怪, 奇到覺得佢唔好食, 印象差到係要拎住呢盒嘢入文老闆房話韓國嘢唔好食咖.......well, 俾次機會好冇? 話哂我都係半個韓國親善大使丫.......獨立包裝都幾好ok啦! 雖然係冇日本咁精緻........韓國嘅朋友們, 加油呀!! fighting!
好俾面地, 日本小姐拎咗1片去分開4格同人share囉......唔該俾啲掌聲佢咁勇於嘗試丫!!! 總結食後感係一片帶有味付紫菜香氣嘅朱古力, 沒有奇怪的紫菜咸, 一整片都是朱古力的甜~
有時真係唔知點解啲老闆買手信都可以咁有創意咖~ 紫菜朱古力唔奇咖喇.......上次肥叔叔拎咗盒咖哩朱古力返嚟添啦........食過嘅朋友, 可唔可以發表下食評呢?
2011/03/21
798 Unit & Co.
銅鑼灣區, 泊車方便又好坐的西餐廳, 非時代廣場莫屬, 揀咗間晚市來過又不錯的, 試試午餐又如何, 是日選址-798 Unit & Co.
沙律比較好, 至少看得出起碼菜是新鮮的, 伴黑醋汁
餐廳樓底好高, 好暗又有點嘈, 原本以為可以靜靜的傾偈, 原來一點都不靜.......午市有套餐, 中上價位, 這個黃金地段差不多啦!
套餐包括餐包, 暖暖的, 外脆內軟, 賣相好像是自家出品, 可惜包只有一款, 又沒有麥包可選.....
頭盤可選沙律或湯, 是日餐湯-西蘭花忌廉湯, 稀身的忌廉湯, 都不會是對的口感吧~沙律比較好, 至少看得出起碼菜是新鮮的, 伴黑醋汁
香草辣椒炒意粉, 睇個賣相都知係勁hea, 靚仔醫生直情覺得係好似食剩咁樣, 即時再order多2個包填肚.......
南瓜小龍蝦意大利飯, 勁香芝士味, 又係一個女士嘅份量
牛扒伴薯菜, 食味唔知, 但係睇個賣相就幾好, 唔明點解3個餐都係$88, 分別可以咁大.....
甜品......我都知少食多滋味, 但係小都可以做得精緻啲咖, 係咪? 依家搞到好似監獄派糧咁囉~
南瓜小龍蝦意大利飯, 勁香芝士味, 又係一個女士嘅份量
牛扒伴薯菜, 食味唔知, 但係睇個賣相就幾好, 唔明點解3個餐都係$88, 分別可以咁大.....
甜品......我都知少食多滋味, 但係小都可以做得精緻啲咖, 係咪? 依家搞到好似監獄派糧咁囉~
應CC妹妹要求拍下的檸檬茶, 不要奇怪沒有檸片, 因為在下已經為妹妹加糖, 篤檸汁飛檸渣喇!
對打工仔嚟講, 食lunch都應該好趕時間, 但係我地等個main course都等咗半個鐘.....如果出嚟個成品係令人好appreciate就冇所謂, 不過總體嚟講, 呢度午市唔見得有heart, 連啲staff都好似機械人咁咖~ 記得上次晚市嚟印象唔錯, 估唔得午市差咁遠.......有參加呢個lunch嘅飯友, 對唔住呀! 下次我會再俾心機揀間好啲咖喇~
地址: 銅鑼灣勿地臣街時代廣場食通天12樓1203號舖
電話: 2506 0611
2011/03/20
夏枯草羅漢果茶
我又生眼瘡喇......但係呢次唔同, 因為真係feel到成個人都好燥熱, 有作病嘅情況出現, 所以要爭取多啲休息, 今日又瞓到有點昏迷狀態.........瞓咗12個鐘......半死狀態之下, 搞唔到複雜嘢, 反正肝火盛要下火, 就煲個涼茶救火啦! 是日湯譜 - 夏枯草羅漢果茶
材料單, 左起順時針: 夏枯草, 茯苓, 黑豆, 大生地, 羅漢果; 人地煲夏枯草通常都落黃豆, 不過我見屋企有黑豆就落黑豆啦, 費事買咁多嘢擺屋企呀~
煲涼茶都唔會食渣咖啦, 所以記得用個煲湯袋入哂所有材料先去煲, 咁倒起入樽個時就唔哂煩喇! 成煲涼茶都好黑, 不過又下火又去濕, 啱哂嚟緊潮濕天氣, 黑色? 咁我丫! 連飲涼茶都要夠cool呀~
步驟:
1. 黑豆先浸水2小時, 過夜都冇問題
2. 洗淨所有材料, 羅漢果搗碎, 放入煲湯袋內扎好
3. 放入煲內加適量水, 滾起計煲1小時
4. 想甜啲可以加片糖, 不過我覺得有羅漢果嘅甜已經好夠喇~
材料單, 左起順時針: 夏枯草, 茯苓, 黑豆, 大生地, 羅漢果; 人地煲夏枯草通常都落黃豆, 不過我見屋企有黑豆就落黑豆啦, 費事買咁多嘢擺屋企呀~
煲涼茶都唔會食渣咖啦, 所以記得用個煲湯袋入哂所有材料先去煲, 咁倒起入樽個時就唔哂煩喇! 成煲涼茶都好黑, 不過又下火又去濕, 啱哂嚟緊潮濕天氣, 黑色? 咁我丫! 連飲涼茶都要夠cool呀~
步驟:
1. 黑豆先浸水2小時, 過夜都冇問題
2. 洗淨所有材料, 羅漢果搗碎, 放入煲湯袋內扎好
3. 放入煲內加適量水, 滾起計煲1小時
4. 想甜啲可以加片糖, 不過我覺得有羅漢果嘅甜已經好夠喇~
2011/03/18
是日午餐
是日午餐 - 泡菜湯
星期五嘅lunch, 好多同事都會選擇食街飯, 曾經聽過一位同事講過, 星期五都要留係公司食飯, 係一件可悲嘅事.......可能係因為呢一日係工作日嘅最終日, 所以大家都希望食好啲, 作為呢一個星期嘅慰藉, 而我太喜歡自煮喇! 所以星期五都煮得豐富啲!
呢個泡菜湯超多料, 有蕃茄, 金菇, 海帶同泡菜, 酸酸辣辣好正! 佢令到我覺得呢個星期好幸福呀~~
外星人早餐
唔好理我係咩人, 總之我就唔係地球都市人, 異常舉動由食早餐開始.....
我係一個會預時間起身, 係屋企煮早餐兼食埋先出門口嘅人, 呢個習慣已經維持咗差唔多都有10年喇~ 對都市人嚟講, 有呢個習慣已經好奇咖喇~ 如果大家再知道我食咩早餐, 就會更加想知道我係邊度嚟咖喇.......
我嘅早餐有中, 西式同季節之分~
天冷, 中式: 蘋果+豆奶薑汁麥皮, 唔好誤會我係食一包包沖粉嗰啲喎! 我係食要煮到杰身嗰隻咖~ 食完呢個早餐, 無論外面天氣幾多度, 個身都係會滴住汗咁出門口咖~
天熱, 中式: 蘋果+豆奶綠茶麥皮, 都係要食要煮嗰啲, 因為沖粉嗰啲太稀唔好食! 天熱通常都有太陽, 食返啲綠茶美白啱啱好~
天熱, 西式: 蘋果+自製綠茶乳酪伴cereal, 係喎! 你冇睇錯喎! 我真係係屋企自己整乳酪咖~ 零技術, 因為複雜嘢我唔識搞! 夏天食呢個一流, 幫身體降溫同美白完先出街~
呢3個ABC早餐就陪咗我近10年喇~ 其實......1日3餐, 我最鍾意就係食早餐咖喇! 唔食過先出街, 我嗰日就係好唔開心咖喇~
食早餐, 仲要食埋呢類早餐嘅人, 我諗地球都應該冇幾多個, 仲要維持咗近10年.......希望大家唔好"奇"視我啦......
註: 相片後補
我係一個會預時間起身, 係屋企煮早餐兼食埋先出門口嘅人, 呢個習慣已經維持咗差唔多都有10年喇~ 對都市人嚟講, 有呢個習慣已經好奇咖喇~ 如果大家再知道我食咩早餐, 就會更加想知道我係邊度嚟咖喇.......
我嘅早餐有中, 西式同季節之分~
天冷, 中式: 蘋果+豆奶薑汁麥皮, 唔好誤會我係食一包包沖粉嗰啲喎! 我係食要煮到杰身嗰隻咖~ 食完呢個早餐, 無論外面天氣幾多度, 個身都係會滴住汗咁出門口咖~
天熱, 中式: 蘋果+豆奶綠茶麥皮, 都係要食要煮嗰啲, 因為沖粉嗰啲太稀唔好食! 天熱通常都有太陽, 食返啲綠茶美白啱啱好~
天熱, 西式: 蘋果+自製綠茶乳酪伴cereal, 係喎! 你冇睇錯喎! 我真係係屋企自己整乳酪咖~ 零技術, 因為複雜嘢我唔識搞! 夏天食呢個一流, 幫身體降溫同美白完先出街~
呢3個ABC早餐就陪咗我近10年喇~ 其實......1日3餐, 我最鍾意就係食早餐咖喇! 唔食過先出街, 我嗰日就係好唔開心咖喇~
食早餐, 仲要食埋呢類早餐嘅人, 我諗地球都應該冇幾多個, 仲要維持咗近10年.......希望大家唔好"奇"視我啦......
註: 相片後補
香港人早餐
Wow~ 好開心今日可以見識下香港人嘅早餐呀~ 可能係會覺得我好無聊, 但係對於一個10年都冇食過香港街頭早餐嘅我, 係有一莫名嘅興奮! 簡單啲......大鄉里出城!
香煎蘿蔔糕
腿蛋腸公仔麵
火腿回鍋肉時菜公仔麵
雞扒腸仔炒蛋伴牛油多士
香煎蘿蔔糕
腿蛋腸公仔麵
火腿炒蛋伴牛油方包+火腿通粉
火腿回鍋肉時菜公仔麵
雞扒腸仔炒蛋伴牛油多士
全部都係好香港式嘅早餐, 同我10年前見過嘅冇分別, 死喇........對比我食嘅早餐.......我究竟係邊度嚟咖.......
Arm channel嘅朋友
大家有去搶鹽嗎?
搶到的, 請告知! 我可以幫忙製作"鹽焗人"
有去搶, 但沒有搶到的, 不要害怕, 我會在你未被幅射影響前, 先帶你去驗腦, 以確認你沒有患上腦"鹽". 但請不要問我有沒有鹽可給你, 因為我在戒"鹽"
沒有去搶的, 我確認你同我是arm channel的, 幾時得閒出嚟吹水呀?
搶到的, 請告知! 我可以幫忙製作"鹽焗人"
有去搶, 但沒有搶到的, 不要害怕, 我會在你未被幅射影響前, 先帶你去驗腦, 以確認你沒有患上腦"鹽". 但請不要問我有沒有鹽可給你, 因為我在戒"鹽"
沒有去搶的, 我確認你同我是arm channel的, 幾時得閒出嚟吹水呀?
2011/03/15
波羅密素食
都有好一段日子冇去過素食店開餐喇~ 今日就約埋正宗素食人SH太太一齊食Lunch, 是日選址 - 波羅密素食
素菜蒸餃, 賣相同我地想像完全唔同, 可能我地食得太多上海菜喇~ 直覺上蒸餃係半月形囉.....
粟米斑塊, 等咗好耐都唔到, 原來廚房漏單, 所以"斑塊"都係即炸, 啲"斑塊"都真係有"魚皮"咖~~ SH太太話雖然係炸, 但係一啲都唔油.
甜品係桂花糕, SH太太話好好味呀~
先講食物, 再講服務! 呢度午市提供套餐- 例湯+小菜配白飯/粉/麵, 除咗套餐, 仲有點心供應.
今日例湯係南北杏煲大白菜, 一滴油都冇好清, 亦都好香.
南乳蓮藕排骨煲, 出哂煙咁上枱, 我影咗起碼5張相先至影到呢張冇咁多白煙咖~ SH太太好欣賞呢個煲仔菜, 因為夠熱. 排骨係用大豆纖維製成, "肉"嘅中間真係有支"骨"咖~
干燒伊麵, 好多菇呀, 食完碟底都唔會好多油, 幾好~南乳蓮藕排骨煲, 出哂煙咁上枱, 我影咗起碼5張相先至影到呢張冇咁多白煙咖~ SH太太好欣賞呢個煲仔菜, 因為夠熱. 排骨係用大豆纖維製成, "肉"嘅中間真係有支"骨"咖~
素菜蒸餃, 賣相同我地想像完全唔同, 可能我地食得太多上海菜喇~ 直覺上蒸餃係半月形囉.....
粟米斑塊, 等咗好耐都唔到, 原來廚房漏單, 所以"斑塊"都係即炸, 啲"斑塊"都真係有"魚皮"咖~~ SH太太話雖然係炸, 但係一啲都唔油.
甜品係桂花糕, SH太太話好好味呀~
呢度服務態度係冇問題, 不過就有啲混亂同埋漏單囉~ 混亂係因為我訂咗位未到, 上去攞位嗰時姐姐就話有人已經攞咗枱到咗......吓? 一望之下, 成枱人都唔識咖喎......好彩餐廳唔滿仲可以即時安排到位置. 希望店家留意下啦~ 食物有質數, 唔好因為服務唔好而失咗啲客嘛~~
我依然都唔係咁欣賞啲假素食品, 雖然都真係做得幾似, 不過點解唔做返自己呢......其實就咁食黃豆都幾好食丫......
地址: 銅鑼灣波斯富街99號利舞臺廣場7樓B店
電話: 2317 6908
2011/03/14
繼續土茯苓......
好憫呀!!!!!! 已經連續3個星期瞓得好差喇!!! 成日都半夜起身, 一唔係就2個鐘頭醒一次.....算點先, 我冇參加鐵人耐力賽喎! 仲要冇啦啦係眉頭生暗瘡......(下刪一萬字)
好喇好喇.....有暗瘡又瞓得唔好, 個人又火火地, 最好都係煲下土茯苓去濕清毒, 而粉葛又可以去骨火, 一煲湯解決我2個問題, good呀! 嚟緊呢個星期都會有雨, 所以加埋赤小豆幫助去濕, 是日湯譜 - 鮮土茯苓煲粉葛赤小豆
上次都有分享過買料要注意事項, 今次就分享下點處理材料啦~ 買粉葛最好就梗係叫個菜檔幫你去埋皮啦, 唔洗煩嘛~ 不過有時唔係即買即煲, 預先去皮氧化哂就唔係幾好~ 粉葛唔同紅蘿蔔, 唔係直條冇線條, 用蔬菜刨去皮好易刨到手咖~ 所以係撕皮 (見下圖) 由頂開始用刀扁起少少皮就可以一路撕咖喇~ 超簡單! 因為複雜嘢我唔識做~
去咗皮白雪雪~~ 建議大家切咗一件件之後先一次過沖水~
赤小豆用水浸泡令豆殼軟化, 可以快啲出味~
步驟:
1. 粉葛去皮切塊, 然後沖水洗淨; 赤小豆用水浸泡一陣
2. 土茯苓輕微沖水; 蜜棗洗淨切半
3. 赤小豆隔去水份洗淨, 連同所有材料放入煲內再落水
4. 水滾起計煲3小時, 搞掂!
2011/03/12
順德漁鮮酒家 (晚飯篇)
成日都話happy friday, 今個Friday真係好happy喎! 嚟咗個即興晚飯+K局, 大家都知依家唱K都會有buffet, 不過大家對於食物質數都唔多有信心, 所以先嚟上半場飯局, 先再去下半場K局, 鑑於上次嚟飲茶經驗唔錯, 今次就試埋個晚飯, 是日選址 - 順德漁鮮酒家
生炒骨, CC妹妹 "好酸呀..."
花膠冬菇扒時菜, 花膠同冬菇都炆得唔夠入味呀!
煎釀三寶, 真係煎得好香, 有茄子, 豆腐, 青椒同尖椒, 日本小姐話呢隻尖椒唔辣咖~
青紅蘿蔔煲西施骨, 黃教授飲咗2碗
唔知係我地早到定因為呢度地點隱蔽, 我地食到8點半呢度麵坐唔滿喎........真係有啲擔心.....遲啲會唔會冇咗呢間酒樓......唔好諗咁多喇! 睇下呢餐咩先啦~
大良炒鮮奶, 經典順德菜, 好欣賞日本小姐order呢個餸; 裡面有蝦, 蛋白炒得好滑, 師傅好功夫!
紅燒豆腐, 正常囉~
黃金蝦, 雖然上次食咁多蛋黃, 不過呢個都幾唔錯, 隻隻蝦都大大隻.紅燒豆腐, 正常囉~
生炒骨, CC妹妹 "好酸呀..."
花膠冬菇扒時菜, 花膠同冬菇都炆得唔夠入味呀!
煎釀三寶, 真係煎得好香, 有茄子, 豆腐, 青椒同尖椒, 日本小姐話呢隻尖椒唔辣咖~
青紅蘿蔔煲西施骨, 黃教授飲咗2碗
CC妹妹話呢度好多味精, 食到佢有啲暈暈地, 而美麗葉小姐都叫咗個可樂解味, 但係其他人又冇事喎.......well, 有味精敏感如我呢, 就好留意下喇~~
一路食飯, 一路睇住電視直播日本海嘯, 睇住啲屋, 車, 成條橋咁樣俾水沖走, 當中更加有數唔到咁多人失蹤或者遇難, 仲有雲南地震, 點解咁多天災咖........係咪真係就快世界末日呢.....個心好寒呀.......大家有幸身處係香港呢個福地, 真係要好好珍惜呀! 係呢借小小位, 衷心祝日本同雲南快啲復原! 加油! fighting!
2011/03/08
順德漁鮮酒家
上午11點35分同我講lunch六位飲茶, 地點我揀, 好彩我平時都有2手準備, 就決定帶大家去一間又經濟又真係食食物嘅酒樓, 反正大家都係自己人, 都唔講咩裝修咖啦~ 是日選址 - 順德漁鮮酒家
叉燒腸粉, 正常.
腐皮春卷, 最後先上枱, 應該係即炸, 夾個時都聽到腐皮裂嘅聲音, 個個都完都話超好食! 推呀!
干炒排骨陳村粉, 炒得好香, 不過陳村粉炒得碎碎時, 又黏住成一舊舊. 黃教授形容: 碎炒薄河粉
(其實上次係時代廣場飲茶已經想嚟呢間咖喇.....)
雖然位於遊客區銅鑼灣, 但店家係一般街坊酒樓格局, 冇考究人少要唔要搭枱, 不過我地6個人就坐咗張大枱直至走都冇人過嚟坐喎! 點心都係即叫即蒸, 所以落單後都等咗15分鐘(or更耐)先有得食. 不過見到點心上枱時出哂煙, 新鮮熱辣辣就好開心囉!
順時針左起: 馬拉糕, 我都好鐘意呢個, 可惜佢唔係邊位~ 叉燒包大大個都係小點, JL先生話好抵食! 南瓜豆沙煎軟餅, 細心地每件都剪開一半, 連唔鐘意食南瓜嘅JL先生都食成件呀!
順時針左起: 順德煎魚餅, 夾落去已經feel到好彈, 不過日本小姐話咁樣即係溝得多粉喎. 鮮蝦時菜餃, 完隻鮮蝦+椰菜餡, 好聰明嘅做法, 因為椰菜唔會變黃. 咖哩魷魚, 唔似其他酒樓咁用油浸住, 幾好~ 豉椒鳳爪, 日本小姐欣賞佢唔會深色到係好似染色咁囉! (好熱好多煙, 所以影到白曚曚)
左: 燒賣, 黃教授: 好好食喎! 日本小姐分析, 豬肉係冇攪碎, 又有冬菇又有蝦, 真係幾唔錯呀! 右:雞札, 好開心見返小時候嘅雞札呀! (大叫ing) 餡料有炸魚肚, 細個叫呢個做綿花, 搶住要食嘅! 火煺條, 冬菇及雞件, 如果佢係改用淮山而唔係用腐皮, 咁呢個就成為最終極old school點心喇!
順時針左起: 順德煎魚餅, 夾落去已經feel到好彈, 不過日本小姐話咁樣即係溝得多粉喎. 鮮蝦時菜餃, 完隻鮮蝦+椰菜餡, 好聰明嘅做法, 因為椰菜唔會變黃. 咖哩魷魚, 唔似其他酒樓咁用油浸住, 幾好~ 豉椒鳳爪, 日本小姐欣賞佢唔會深色到係好似染色咁囉! (好熱好多煙, 所以影到白曚曚)
左: 燒賣, 黃教授: 好好食喎! 日本小姐分析, 豬肉係冇攪碎, 又有冬菇又有蝦, 真係幾唔錯呀! 右:雞札, 好開心見返小時候嘅雞札呀! (大叫ing) 餡料有炸魚肚, 細個叫呢個做綿花, 搶住要食嘅! 火煺條, 冬菇及雞件, 如果佢係改用淮山而唔係用腐皮, 咁呢個就成為最終極old school點心喇!
叉燒腸粉, 正常.
腐皮春卷, 最後先上枱, 應該係即炸, 夾個時都聽到腐皮裂嘅聲音, 個個都完都話超好食! 推呀!
干炒排骨陳村粉, 炒得好香, 不過陳村粉炒得碎碎時, 又黏住成一舊舊. 黃教授形容: 碎炒薄河粉
呢度食物有質數之餘, 埋單一樣有驚喜, 11個點心+1個炒粉, 都係$250咋. 大家即係話下次飲茶嚟返呢間, 美麗葉小姐仲話可以嚟試下晚飯添~ 噢! 大家都認同我揀嘅食店! 好開心呀!!!!
地址: 銅鑼灣軒尼詩道467-473號建德豐商業大廈閣樓及1樓
電話: 2572 2000
來自東京的零咀
MC小姐由日本跑完馬拉松帶返嚟嘅手信, 多謝哂! 衷心講: 真係超級佩服你咁有心有力去跑呀! 你真係好勁呀!!!!!!
7小片唔同味道嘅薄脆, 有抺茶, 醬油, 芝麻, 紫菜, 蕃薯同蝦~
呢片就係蝦喇! 唔係普通平時食開嗰啲圓形蝦餅, 呢塊真係由完隻蝦去做, 好有誠意呀! good!
日本人真係好識包裝, 幾塊餅都包得咁高雅精美.
7小片唔同味道嘅薄脆, 有抺茶, 醬油, 芝麻, 紫菜, 蕃薯同蝦~
呢片就係蝦喇! 唔係普通平時食開嗰啲圓形蝦餅, 呢塊真係由完隻蝦去做, 好有誠意呀! good!
再次多謝MC小姐美味零咀!
2011/03/07
五指毛桃煲雪蓮果
上星期預告煲果菜湯, 咁我都唔會咁行地煲個青紅蘿蔔嘅, 雖然都好飲, 不過大家都飲過就冇謂介紹啦~ 有感我體內依然濕重, 所以繼續煲去濕湯水, 上2次啲湯料可能有啲難買, 所以今次分享一個買料容易, 食味比較平易近人嘅, 是日湯譜 - 五指毛桃煲雪蓮果
先睇乾料, 左至右: 生曬淮山, 蜜棗及五指毛桃, 全部藥材舖有售. 五指毛桃有去濕作用, 煲好之後仲有少少椰子香添咖~ 我呢度買咗6蚊, 鍾意可以落多啲! 煲之前記得用水浸半個鐘先呀!
先睇乾料, 左至右: 生曬淮山, 蜜棗及五指毛桃, 全部藥材舖有售. 五指毛桃有去濕作用, 煲好之後仲有少少椰子香添咖~ 我呢度買咗6蚊, 鍾意可以落多啲! 煲之前記得用水浸半個鐘先呀!
濕料, 上至下: 紅蘿蔔及天生雪蓮果, 一般菜檔有售. 雪蓮果成舊蕃薯咁咖, 唔識分就記得問檔主喇! 佢可以生食, 口感係爽口, 煲熟後口感好似合掌瓜咖~
步驟:
1. 五指毛桃浸泡半小時, 然後洗淨
2. 紅蘿蔔洗淨, 切塊; 雪蓮果去皮洗淨切塊
3. 洗淨淮山, 蜜棗切半
4. 全部材料放入煲, 滾水起計煲2小時即成
4. 全部材料放入煲, 滾水起計煲2小時即成
訂閱:
文章 (Atom)