2010/09/14

Dicken's Bar

昨天, 期待以久的秘書午餐眾會終於成行, 由上次眾餐之後, 一直都好想快啲到下次, 即使知道自己要減肥, 都仍然好期待每次眾餐, 因為真係好開心~


是日選址 - 怡東酒店地庫既Dicken's Bar, 午市係咖哩buffet, 掛住食唔記得影相...(別打我呀! 我可以confrim一定會有下次, 下次再補相啦~~)


Buffet食物枱分3 part, 有頭盤沙律區, 熱葷主食區及甜品區, 另設自助熱飲區. Well, 我先講我食過的食物


沙律
羅馬生菜 - 挺好, 但好像不夠甜
煙三文魚 - 不太咸, 很對味又不會太膩, 每次refill都很快被掃清, 配食的有生洋蔥, Capers及檸檬角, 可是廚子refill灸的時候忘了refill配料呢.....


甜品
mango crumble - 沒吃 同事說芒果蓉(醬) 很酸
麵包布甸 - 我食了人家的2/3呢.....
紅桑子奶凍 - 沒吃, 同事說奶味很重
朱古力慕思蛋糕 - 沒吃, 沒有聽到comment
生果 - 是生果方塊磚, 有西瓜, 哈蜜瓜, 蜜瓜, 很少的菠蘿及我認為是不小心混了進去的木瓜, 因為我只發現了一丁塊, 全部都甜的, 但個人不喜歡這方式的presentation, 感覺上好像不新鮮樣子



Buffet的頭盤沙律區有2款湯, 其中一個是咖哩湯, 好怪的菜式呢......還有2-3款混好的沙律, 其中中個有牛肉的, 其他的沒注意到, 熱葷嘛.......有多款咖哩, 還有一個小小的即切肉腿檔, 沒留意是什麼肉來的, 好了.........我對這個buffet的食物印象只有我吃的那幾樣, 其餘的都被我列入"唔關我事"系列, 坐在旁邊的CL小姐說我每碟拿來的都是同一個樣的..........好了, 縱然我食物選擇少, 但以量計, 我可是吃得最多呀(這回又不知胖了多少十斤呢.....) 事後得知我呢個食量係公司原來係新聞囉......唔係頭條既.....不過應該都入咗A版咖喇.......

Dicken's Bar
地址 :銅鑼灣告士打道281號香港怡東酒店地庫
電話 : 2837 6782

2010/09/06

公司食事

今日做左個 lunch inclusive 既 half day orientation, 當簡單介紹完個agenda之後, 就由一位高層介紹公司未來動向, 主講者完全無問題, 反而我覺得坐係度聽個啲好有問題囉........

E-mail invitation已經寫左係9點開始同埋一定要出席, 竟然係有人唔出席(好大的膽子!) ; 遲到(!)都仲要一路聽一路食早餐(!!) 究竟係台上面講野個位係CEO, 定係坐係度食緊早餐個位係CEO呢? 唉.......我都唔知呢啲係幾多十後喇.....我淨係知咁樣好無禮貌又好唔尊重演講者囉......唔該大家可唔可以尊重下自己, 尊重下人呢? (搖頭中.....)

既然有一餐得食, 又睇睇Lunch inclusive食咩先? 其實收到email invite時, 公司係好窩心地講明係可以安排special meal, 不過小妹事忙(善忘), 所以未有通知大會安排, 又睇睇正常餐食啲咩.....


Today Menu





麵包有幾款揀, 我呢個係硬身麥包, 唔好意思, 有攞冇食, 掂都冇掂過, 不過聞到麵包香, 應該係溫上既.....

湯 - 唔記得影相, 我個碗有2隻蝦, 爽既, 幾好飲, 都唔知幾耐冇飲過cream soup喇! 我見到佢有啲紅椒粉既調味, 好自制地飲左3啖, 唔敢再飲喇! ....係喎, 我係堅有飲喎! 今晚痛就痛啦.....


主菜 - 我揀左龍鯏柳, 個面ok脆, 魚肉幾滑同moist, 不過對我黎講好咸 (大鑊喇!), 所以有2/3個脆面我冇食到, 我冇點到dried tomato sauce食, 配菜幾甜, 我食得太慢, 侍應開始收盤, 所以新薯食得一舊, 連皮baked, good!!

甜品 - 所有生果都好甜, 仲要所有生果都係我既flavour, really nice!! Chocolate cake我當然冇食啦! 之前食既咸魚仲死唔夠咩.........


咖啡唔係杯上, 所以冇咖啡油係面, 感覺上就普通


唔知大家睇完之後, 估唔估到我係邊度做orentation呢?

高床軟枕

話說住左依家呢間屋都有成年喇! 一直都想買個床架, 無錯! 我訓左成年都淨係訓床褥(!) 邊有你哋咁幸福高床軟枕丫.......又咁岩海馬係堅拿道新開張, 所以貨品extra再9折, 連減價價都有, 好丫!
睇睇個price list先, 我唔敢講佢係咪最平, 不過我訓過佢既床褥真係唔錯, 值得翻兜, 雖然我肥左唔少, 但係基於金錢同空間問題, 我係訂左2尺半 (要努力減肥, 免得唔夠位訓), 冇櫃桶床架連3吋半厚床褥 (因為肥, 所以要厚啲承托力), 連運費, 自己安裝, 一共盛惠$1,138.5 再extra 9折, 減多百幾蚊, 都叫做幾抵買啦......麻煩大家唔好同我講瑞典傢俬鋪有幾平, 尺寸唔岩, 幾平都冇用呀........同埋大家可以留意下, 瑞典傢俬鋪既床架同埋床褥係佢地公司獨有尺寸黎咖, 簡單啲講, 你一買就一定要買成套, 唔好諗住平床架配其他牌子床褥呀, 唔work咖.......同埋個人覺得講professional做床褥, 點都唔夠汪阿姐黎啦! 人哋真係專攻床上用品喎.......