2013/01/21

好久不見....

有冇掛住我呀? 上年7月到依家喎......唔係冇呀.....-_-''' 呢一刻我接受你地嘅謊言.......
點呢.....update下先....(又扼稿!)

食文呢......都已經冇係食飯前影相喇! 仲寫乜鬼食文丫...加上最主要原因都係因為我唔食....
話說早兩日都已經俾人問 "點解唔食飯?" 哥哥, 你都係問左我兩次啫....點解要用"又"呀!
係! 我認! 我成日都唔食飯! 只怪我味精敏感......出街食飯對於我係奢侈活動! 慶幸本小姐對酒冇過敏......大家聽得明我講咩啦! 多謝哂! xp..
2013願望: 搵到多幾間冇味精餐廳!

煮食文....其實係煲湯文....我懶左! 冇煲湯, 淨係煲茶, 例如紅棗茶, 羅漢果茶咁囉....方便嘛! 有留言問個煲係邊度買.....我係N年前嘅工展會, 不過見好多電器鋪都有...再搵唔到就email比我啦! 其實我都好想有個真正廚房俾我玩下煮飯仔!
2013願望: 搵一間有廚房嘅屋搬!

工作呢....依然都係繼續返工生活! 最suprise咪上個星期, 阿媽竟然問我仲有冇返工囉~ 即係咁.....到左今時今日, 我會用一個"頹"樣去話俾人聽我係要返工囉......打工對我嚟講, 冇前途又冇錢淘....咁我做乜仲打工呢....因為要生活囉!
2013願望: 盡快脫離打工老鼠圈, 得到真正財務自由!

學業呢....你咪理我幾大, 學海無涯就係啦! 小妹已經成功考左國家級營養師牌喇! 多多指教! 想減肥, 想健康啲嘅, 唔該問一問自己有冇恆心, 夠唔夠堅持先! 兩樣都冇就無謂晒時間喇! 事實永遠都係咁殘酷, 我只係講事實.....咁嚟緊會學咩呢...想學返韓文, 我認我係為溝仔所以學韓文呀! 吹呀!
2013願望: 希望大家身心健康! 學業進步!

身體呀......託賴都唔錯啦! 畢竟自己係營養師(開始沾沾自喜...)都唔可以咁唔健康嘅~ 另外, 由於意識到自己愈來愈有女人味(唉.....), 所以又開始左美容生涯, 咳吾! 都叫學有所成咖! 如果有興趣做我model就email俾我啦!
2013願望: 青春常駐! <-- sexy="sexy">
閒時動作......上網囉! 同埋聽歌, 話說近期沈迷舊歌重溫, 我主要係聽歌詞, 以林夕居多, 黃耀明聽得最多, 王菲,陳奕迅都有....而聽旋律唱腔呢...林宥嘉! 好有感染力, 最新大碟翻唱suede作品好有感覺, 當然Brett唱得更滄桑啦.....

仲有咩想知丫, 留言啦~
多謝收看!!!