妖魔鬼怪

如果你係街度見到一個瞎人, 你會唔會專程走埋去同佢講 "喂, 你係瞎咖" ; 我相信唔會有人咁做, 但係有一日, 呢件事發生係我身上.......

事情係, 我知道自己係妖魔鬼怪, 而我亦都好努力地改變緊, 畢竟要由妖魔修煉到升仙, 都需要時間; 係呢段期間, 我不停都收到好多人嘅關心, 亦收到好多人嘅奇異眼光, 而近期令我滴血嘅一句說話
"你怪就梗咖啦!"

我明白呢個世界係十分之美好, 但係呢個始終係人類嘅世界, 係大家眼中呢個地球, 空間係冇錯咖! 所以我絕對承認係我唔適合呢個世界, 我唔應該係呢個時空出現, 簡單啲講, 我! 係一個錯誤! 係呢個空間嘅一個污點. 又........坦白講, 我呢十年嘅每次許願嘅願望都係可以快啲離開.......希望大家明白, 我真係好迫不得意地活下來, 大家可唔可以手下留情, 俾我好過少少呀......

譚魚頭火煱

又有同事走喇! 雖然唔係同一個department, 不過都叫做一場相識, 又可以借題搭枱吹水喇~ 譚魚頭係香港都開咗咁耐, 直到依家先有機會到訪, 小妹真係失禮哂~晚市火煱......相信係我餘下嘅人生應該都冇乜機會嘗試咖喇! 今次就講下午市點心啦~

其實係咪淨係香港嘅酒樓先會有啲咁嘅習慣咖......咁鍾意上咗甜點先上其他點心嘅? 上幾次飲茶都已經係咁, 今次都唔例外......究竟係我太執著定係我唔入流呢......well, 點都係我問題啦~~~~

薑汁千層糕, 有薑味不過唔辣; 好靚嘅桂花紅豆糕, 濃烈陳皮味! 仲有好old school嘅蛋撻仔!

油菜, 係幾靚嘅菜心!

鮮蝦海皇炒飯, 炒得夠乾身同埋幾香, 唔油!

小籠包, 超多湯汁, 小心食呀!!!! 鮮蝦餃, 好大隻!

腸粉, 唔記得咩餡, 淨係知層皮幾薄.....

燒賣囉~

根據我個人經驗, 酒樓嚟講, 嚟自大陸飲食集團嘅點心普遍都幾有質數 (恕小妹暫時都仲未去過點心專賣店) 但係如果講服務就始終差少少.....視乎大家要咩啦.....淨講食物都真係幾抵食咖!

My boy, my toy!!

蘋果空氣咬一口, so fresh!!

金田日本料理

日式放題食店開到成行成市, 偏偏我呢個刺身怪就一次都未食過, 鬼咩! 我都唔食dinner嘅, 只能輕嘆無緣啦~ 通常晚市做放題, 午市都會做套餐, 呢間都唔例外~

雜錦刺身飯餐, 包括沙律, 漬菜, 味噌湯, 蒸蛋同刺身飯, 而個飯竟然都有海膽! 雖然唔知質數如何, 但係誠意都搭夠啦! 仲要唔過一百蚊喎!!!! 抵囉!! 等等, 仲要有埋甜品.....好抵囉~ 可以翻兜, 講完!

寫到不想再寫的大戶屋

又嚟......驚喜係轉咗新menu, 不過都係好似冇咩新意咁, so~ 如題, 睇相算啦~

名苑酒家

中國人飲茶, 都係一種著重溝通嘅活動, 所以好開心! 唔好問我點解, 總之一聽到有得去飲茶就好開心! (外星人同外國人一樣都好鍾意飲茶咖!) 可能因為真係有得飲中國茶, 但可以肯定嘅係我好鍾意個氣氛! 大家圍埋一枱傾計, 感覺好warm.........

多得高球先生帶路, 又可以試新嘢喇~ 呢度啲staff好熱心, 不停推薦唔同嘅菜式, 不過我哋實在好有主見, 佢推薦嘅, 我哋一樣都冇take喎~

紅棗拉糕, 點解咁多點心唔上, 係要上咗甜品先呢......ok, 係我哋唔啱囉, 連埋甜品一齊落order....亦可能係因為店家唔認為呢個係甜品....點都好, 呢個color令我唔敢入口~~

蝦餃, 蘿蔔糕, 呢個質感幾好! 馬拉糕, 雖然我冇食, 不過呢個係我最愛點心嚟咖!

奶黃流沙包, 啲奶黃唔係流沙, 係噴沙咖.....

好似係叉燒腸粉, 好長好有造形囉~

好靚嘅燒賣!!!!!

瑤柱鮮菇炒伊麵, 啲麵有點碎.....有點難夾....

下次有機會又試下上面嗰間酒樓先~

波羅蜜素食

上次嚟過記得食物, 價錢同環境都十分之好, 今日又係時候回味下~ 午市有多款套餐選擇, 多到可以日日嚟食都可以有唔同選擇, 又, 有冇人咁清心寡慾呢~

合掌瓜湯

食記積得太耐就係咁......唔記得呢個叫咩喇, 總之有銀耳, 木耳, 豆腐, 菇菌咁啦~

呢個係涼瓜煮魚, 啲腐皮同啲紫菜係度扮緊魚~

其實仲有甜品桂花糕, 不過冇乜特別無影到~

美都冰室

嚟到唔係唔飲呀?! 巧經典嘅港式下午茶飲品 - 紅豆冰同熱令死

滿記甜品

左起: 椰汁西米露伴綠茶雪糕, 楊枝金露, 海底椰涼粉; 請找出3碗嘅食味相同之處.......時間夠!


答案係: 3碗都勁多椰汁, 淨係得椰汁味!

2000円料理放題專門店 (雷)

好又一餐, 唔好又一餐, 希望大家唔好浪費食物, 如果食物煮得好食啲, 食客又啱口味就自然食得哂, 咁就唔會浪費啦~ um..........我唔希望再係呢度浪費食物喇~ 當做下善事咁囉......

打氣甜食

成日都聽人講甜食可以令人開心啲, 尤其係朱古力, 呢3粒淨睇都已經好多正能量喇!

利小館

都寫過好多次, 六因為食文積得太耐, 所以呢遍文未出街前, 都已經食過4次喇! (爆) 我覺得利氏集團應該俾返個VIP member discount我囉! (仲爆)

如果大家係呢度食過lunch, 係咪都會order a la carte呢?! 咁大家又知唔知其實呢度係有set lunch for 2呢? 唔知呢......係呀....都真係唔明點解咁大個利氏集團冇一張似樣少少嘅leaflet, 唔知係咪因為唔係offical嘅set lunch啦......well....我自己都唔知自己講緊咩~ 總之個餐CP值都幾高, 食得過咖! 提一提呢度冷氣好勁.....記得帶多件衫先好嚟呀!

以下係集合咗幾次嘅set lunch, 而set lunch嘅食物份量係同a la carte份量一樣咖! 所以咪話CP值高囉~

另外再加多一次dinner添~