香港有一個優點, 就係每年都有2次機會重新開始......一個係1月1日, 另一個係正月初一; (剎時覺得自己中國曆法進步咗!)
又.....因為我係外星人, 基本上, 重新開始我成日都做, 因為一有唔對路就要重新開始咖啦! 點解要等到一年過咗先開始呢? fine......我知又係我嘅怪思想!
又又......咁我都會入鄉隨俗做一啲應節事嘅! (再次覺得自己中文進步咗!) 就係做planning喇!
又又又......有人問我新年有咩願望, 咳唔, 咳唔...係冇咖! 因為願望從來都冇實現過! 要實現嘅, 只有目標, 所以我有好多目標! 有鑑於咁多目標, 所以我唔係有to do list, 而只有must do list!!
又又又又......龍為幻想之物, 龍年必為夢幻之年, 祝大家旗開得勝, 心想事成!!!
沒有留言:
發佈留言