Suede Live in HK 2011 (show後小記)

等到等到喇~ 睇埋添喇~ 雖然好辛苦, 不過好開心! High爆全場90分鐘千人大合唱~ 我雖然企得好近, 但係一張相都冇影到~ 因為我要全程enjoy!!

Brett Anderson重拾妖艷, 狂跳, 扭pat, 擰腰, Fing咪, 掉咪, 口粗口, 掉水樽, 重頭戲係落埋台同你近距離視覺接觸又唔俾你摸到, 吹咩~

Neil Codling不再懶惰的發電站, 由keyboard, 電結他到木結他再唱埋和音, 好忙之餘, 都仲要用盡所有眼神, 動作, 聲音, 表情發電, OK.....我係電死咗囉~ 大愛!!!!!!!

Mat Osman依然親切, 好想問, 你仲記唔記得我呀?? 我係N年前趁你去買煙攔截你要影相嘅小妹妹呀.....我今日長大咗, 但係身高依然都仲係去到你條腰囉.....

Simon Gilbert 我唔係好睇到你, 不過冇你, Suede嘅開場唔會咁正囉~

Richard Oakes 我見你好努力地fing, 不過你要再努力啲, 因為成隊都瘦得你肥; 又, 見你醒目地走嚟走去避Brett嘅fing咪, 好搞笑......

呢晚, 我成身濕哂, 同埋散哂.......5點半開始, 又企, 又跑, 又叫, 又跳, 又迫, 又揮手......一直到10點.....唔知如果再10年後, 我仲會唔會咁好精力去做相同嘅事呢?