Bread Papa Sweets

LC媽又派tea! 是日甜點 - Bread papa's waffles sandwich

甜..........漏嗰隻, 唔知係關LG媽請客事定食物本身問題?!

謝謝LG媽請客!!

Bread Papa Sweets

地址: 銅鑼灣軒屁詩道555號崇光百貨地庫

電話: 2831 8693

零咀

懷舊零咀一大堆

光酥餅, 究竟是"光"或是"乾"呢? 食落就真的很乾囉!

蕃薯乾, 比芒果乾更健康的零食!

杏仁, 天氣乾燥, 是時候補充vit E了~







以上3項食物............................................我都不吃的!

是日午餐

天氣開始轉涼, 要食點熱的. 參照營養師的建議, 午餐要吃通粉, 於是我自攜了迷你電飯煲回公司煮飯仔~~

蕃茄湯全麥長通粉 (1人份)

1. 先煲水, 不要太多, 不然蕃茄味不濃; 1個蕃茄切塊.

2. 水滾後, 落50條長通粉及蕃茄, keep住按煮飯模式

3. 測試通粉的硬度是否適合, 若然ok, 自行調味就食得, 建議加Tabasco, 酸酸辣辣的超開胃.

土司工坊 Toast Box

由於我經常生眼瘡(已經聽悶了什麼偷看人家沖涼的笑話.......畢竟這個病都繞了我年多呢!!!) CC小姐相約了醫生朋友幫我看過究竟, 是日選址-土司工坊

相對於我的病, 相信大家會比較關心食物多一點(淚), 咁就睇一下食咩啦~

溫泉蛋.......好大的蛋, 仲要2隻, 見到都飽.......墊底盤的紙上有教大家正宗食法, 要落星洲醬油伴食的, 但CC小姐食完才看到, 她吃了原味......大讚好滑, 睇得出啦.......吃完發現碗內有蛋殼, 扣分!

星洲咖啡, 好多泡泡, 見沖茶的那位真的把茶壺拉得很高的撞到另一個壺中.......是印度還是星洲呢?

咖椰多士, 我問CC小姐這個是什麼, 她回答是果jam........但她又告訴我她點了餐廳內最出名的菜式, 我先find out到這個曷咖椰多士.......CC小姐咬下時真的聽到有脆的裂聲, 有需要下那麼大的一舊牛油嗎?

醫生朋友的花生醬多士, 好大的一舊牛油, 講完!

煎蛋2隻, 是all day breakfast必備, 我們在食dinner呢~

人家出名的就是那牛油, 但對我來說, 為了牛油我不會來啦~

土司工坊 Toast Box

地址: 銅鑼灣勿地臣街1號時代廣場B2 B219-220號鋪

電話: 3571 9500

Dicken's bar

有新秘書返工, 所以安排welcome lunch, 原定係去魚泉日本料理, 據聞質素唔多好, 所以翻炒有discount又好食既怡東酒店地庫, 是日選址-Dicken's Bar

其實上一次都秘書lunch都嚟過, 不過就冇影相比大家睇, 呢次補返數, 我自己個碟~~

<請找出2碟的不同之處>

因為突然多人圍住salad枱, 要排隊! 所以我就先食一碟fruit salad先啦! 之後人潮轉移熟食區, 我就開始自制salad喇! 簡單啲嚟講, 呢碟係DIY smoke salmon casar salad without dressing, 今次羅馬生菜幾甜, smoke salmon依然係高水準之作, 洋蔥都幾甜同埋今次refill得好足! very nice!! , 我食咗2碟囉~

由於smoke salmon太好食, 所以追加半碟併fruit salad, 今次多咗幾粒木瓜及菠蘿, 所有生果都幾甜, 不過西瓜有啲腍, 唔係好新鮮咁......

又到甜品時間, 今次甜品一啲都唔吸引, 有mango pudding, CM小姐話唔錯, blueberry crumble, CM小姐話好酸冇食, 但係CL太太話冇問題喎~ 另一個不知名蛋糕, 上面係布甸類, 下層係濕淋淋嘅蛋糕加罐頭什果, 個樣唔得, CM小姐食過都話唔好食~ 而每次都有嘅bread pudding, 今次甜咗啲, 面個層糖漿都幾厚下喎! 如果多返啲提子乾而甜度又較低啲就好喇! 我又食咗幾轉咁啦........(!)

熟食不樓唔關我事, 見LC媽個碟有咖哩角, 佢係極力推介; 意大利肉醬寛麵, 味唔錯, 但係唔夠熱(死罪), CL小姐同WH小姐都話Blue cheese salad嘅cheese太濃味!

唔知係咪啤酒節關係, lunch buffet送一杯啤酒, CM小姐咗2杯~

用HSBC白金卡結賬有7折, 有酒飲, 食物質素又唔錯, 都幾抵丫~

Btw, 食完呢餐, 我係飽到第2朝都仲飽緊, 而個胃又痛咗成晚, 我知係食得太過份, 我以後唔敢喇~ 唉....人大咗, 連胃消化機能都差啲........我都係大返軟體食物同埋流質人算把喇........

Dicken's Bar
地址: 銅牌灣告士打道281跑香港怡東酒店地庫

電話: 2837 6782

感謝日2010'

好平靜地渡過咗慶生日, 人大咗, 係希望平淡地過, 收到了幾個電話及email的祝福, 多謝你們! I Love you all!!



2010生日感謝名單:



EL先生: 多謝你年年有心記住我生日, 平時又多多幫忙, 我知你好忙, 記得話我知你幾時得閒呀~ 成年冇見喇.....I miss u so much!!

WC小姐: 多謝你又係年年有心send sms比我, 今年仲特意相約見面, 多謝你嘅安排及驚喜, 你記得結婚時候要通知我呀, 一定到賀的!

SL先生: 對你呢.....我無限感激, 你記得要好好保重自己呀!!! 唔好要我擔心啦!! 好冇? 仲有, 我嚟又飲又食, 記得幫我簽單呀~ (搞惡!)

潮媽: 唔好懷疑, 係你呀! 我老媽子你呀! 多謝你去旅行都記掛住我, 帶我手信, 又好潮地將生日利事Online過數俾我, 型哂啦你! 所以你叫潮媽! 我愛你!

黃sir: 多謝你好順心地send我email祝福, 我真係好鍾意同你傾計咖! 下次我地唔去飲coffee喇! 去飲酒啦~ 反正大家都好杯中物~ 我愛你!

婆婆: 你一定要好好保重呀! 長命百歲! 同埋唔該火龍果起核! (搞惡!)