月頭食飯月中先寫, 我都覺得有啲過份.....well, 第一次同僂儸食飯, 深感榮幸呀! 是日選址 - 客家好棧, 我都好耐冇嚟喇~
上咗力架嘅油菜, 細細粒話幾鮮甜喎!
超熱叉燒菠蘿包, 唔覺好多叉燒係裡面....不過真係熱到出哂煙!
肉絲炒烏冬, 細細粒唔多油之餘仲幾好食~
生煎包, 咪生煎包味囉~ (hea寫中....)
奶黃馬拉卷, 我懷疑呢個係稻香集團旗下茶樓都有咖!
有冇人知道呢隻叫咩餃呀?
茄子炆魚腩, 僂儸都話呢個好味呀!
鮮竹卷, 如果我冇記錯........
僂儸好驚訝我真係乜都唔食, 對唔住呀! 嚇親你個弱小心靈添~ 仲有, 下次可唔可以都俾我參與下呢......因為呢次連點心紙都冇掂過囉........零發表權呀!
地址: 銅鑼灣波斯富街99號利舞臺廣場21樓
電話: 2881 8578
沒有留言:
發佈留言