醋溜魚片, 澱粉質小姐指明要點呀! 唔.......其實我覺得佢有啲mix-up咗糖醋松子魚囉~
干煸四季豆, 惠瑪話好食呀!
菜膽雲吞雞, 雞湯好濃, 不過雞肉似乎得半隻咋喎! 唔鞋口, 仲幾好食添喎!
炸菜肉末叉子燒餅, 燒餅脆, 肉末惹味~
雙面黃, 可以嘅話, 我想cancel order~~
豆沙鍋餅, 熱辣辣, 好似真係新鮮炸起咁咖~
可能係午市, 又可能係地段問題, 計埋我地呢枱, 好似都係得3-4枱客, 食物唔差咖, 不過有點少貴囉~ 唔係黑心, 不過真係有啲驚佢會做唔住呀~~
題外話, 多謝CL太太去完東南亞帶嚟嘅手信........用天然植物染色嘅香米, 我自己就要咗綠色嘅斑蘭味, 仲未試, 唔知咩味~~ CL太太真係好有誠意, 咁重都帶返嚟送俾我哋.......其實又咁講, 你去旅行都諗起我, 我已經好開心咖喇~ 多謝你呀~~~
沒有留言:
發佈留言