灣仔的小菜午餐, 去咗以"上湯枸杞浸豬潤"出名多時嘅生記, 由舊址搬到新店, 依家先幫到訪, 今次食文結集2次的食記, 一次係星期一至四其中一日, 另一係星期五, 因為星期五係冇午市套餐咖~~
初次訪, 唔記得叫咗幾多人嘅餐, 總之有叫咗4個小菜, 連例湯白飯, 呢次係冬瓜湯, 好時令嘅夏湯, um.........我聞到有點師傅味.......
叉燒炒蛋, 高難度菜式, 見到有蛋汁, good!
梅菜肉鬆蒸豆腐, 好似仲有少少冬菇粒咖~
清炒時菜, order嘅時候問服務生有咩菜, 好玄地答, 廚房俾咩菜就咩菜......好幸運地廚房俾咗菠菜我地, 如果俾梅菜都唔知食好唔食好呀~
生炒骨, 留意下呢個餐嘅小菜份量喎~
二次訪, 星期五關係冇餐, 叫咗2個小菜, 白飯, 例湯係送嘅節瓜湯
飯腳好鍾意生炒骨, 大家留意下個份量, 同套餐嘅.......我諗差唔到5粒肉排囉~
鮮菇扒時菜, 玻璃茨好厚.......
2次嚟都冇試到名物豬潤, 但係單憑一般小菜質數, 好似又唔係好覺原來咁出名囉......可能係午市啦~
沒有留言:
發佈留言