腳背係肉, 腳踝又係肉

大家見唔見到有一個瘀傷, 加2小點損傷呀.......呢期右腳頻頻出事呀~~


話說之前係超市排隊付錢時候, 不幸俾排後面嘅阿嬸推架超市車撞到腳踝位, 滴血當場, 我都估唔到咁嚴重, 真係滴血囉!!


唔夠一個星期, 又俾LC媽踩咗一腳, 形成圖中傷勢.




[LC媽, 請你不要放在心上, 我真的不覺一回事, 在這裡貼文, 是因為.....................我要扼POST吧!!! Wakakkakakakkakakk]

Applegreen

又係每月1 一次嘅team lunch喇, 由於調咗team關係, 所以今次既老闆係M先生, 同team的其中一位同事乃素食者, 所以選址有點頭痛, 幸得LC小姐出手相助, 是日選址 - Applegreen

Lunch menu, 有pasta, sandwiches, salad 同埋steak選擇, 加餐湯或者salad及咖啡.


是日餐湯有2款: 甘荀湯及新奇的茄子湯, 2款都係cream soup, 同事話2款都好好飲喎~~

由於lunch set冇合心水的, 所以我就單點一個full portion自選沙律, 菜底係Romaine lettuce, 比較少菜芯位, 所以唔會好甜; 紅洋蔥, 後悔揀咗! 因為唔甜之餘又好辣! 蕃茄, 係切片蕃茄, 仲要比得好少, 就咁睇你見9見到有丫, 靑到落底都係得3片咋! 點解唔係車厘茄呢.....青蘋果, 青提子及提子干, 正常; 橙, 乃係罐頭柑, 無試意之作! 因為我唔想要有油份既Dressing, 所以request要一支balsamic自己落, 醋既味道偏酸, 有少少嗆喉.....老闆DM借部blackberry比我對比一下個salad大小, 真係好大盤呀~ well, 我一個人食哂囉~ 佢即時大叫我係rabbit.......又企圖幫我起朵....

LC小姐的香草三文魚忌廉貝殼粉, 唔好睇佢好似細細兜, LC小姐話個sauce好利, 搞到好濟下~

TC同事的燒牛柳伴巴馬火腿意大利青瓜卷伴炒新薯粒

MI小姐的醃三文魚青菜沙律伴蜂蜜柑橘汁

同場加映幾款小食, 蜜糖燒雞翼, 大隻到懷疑佢係比咗火雞翼過我哋囉~

因為有素食者, 所以我地叫咗呢個豆腐小食, 不過係冇人掂過, 因為大家唔係好接受到有豆豉呢個combination......但係我睇官網明明係寫black bean....點解啲同事會話係豆豉呢??


其實仲有幾款小食同埋唔同既lunch set, 不過因為長枱太長, 老闆又係度, 唔係好方便走嚟走去影相. 老老實實, 真係唔多鍾意長枱setting囉, 枱頭唔識枱尾咁, 零溝通, 啲西人食飯唔係注重溝通多過食飯咖咩......

如果淨係食salad, 又唔要求有人serve, 我諗 Justsalad 同Dressed salad 會好啲, 起碼呢2間係salad專門店, 冇得做得唔好啦~

Applegreen
地址: 銅鑼灣羅素街2-4號2000廣場2樓
電話: 2368 1263

石山 Ishiyama

每月最期待的眾會, 就係跟LC媽, RL太太同MC小姐Happy hour喇! 是日選址 - 石山 Ishiyama

因為要搞點私事, 所以miss咗頭輪, 到達時見到枱面有酒盜芝士, 高野豆腐, 大根煮, 梅貝煮, 疑似的煮牛腩同埋1枝720清酒.

因為齊人4位, 所以轉咗U形卡位, 又睇下二輪食咩~ 不過因為我狀態唔好, 所以咩都冇食, 以茶代酒! (姐姐們, 對唔住喇!)

反啅高野豆腐, 肯定係高水準之作~

枝豆係小姐們體貼的為我而設的, 可惜今日不能食.

燒牛舌, LC媽及CM小姐至愛

雞軟骨及燒雞翼, 這2個經典好似係串燒必叫項目咁.......雞翼的中間開了一刀, 令2條骨分離, 肉的厚薄亦平均咗, 燒我都靚啲, 又方便進食~

麻醬波菜, 見麻醬平均分佈及帶杰身付係菠菜上面, 估計醬汁應該係自家磨制既......


營光魷魚, CM小姐食不停, 不過佢今晚樣樣都食不停 (我不是撩交打呢, 你是日狀態真的好嘛......)


日式煎蛋卷, 呢個冇餡嘅, 可以揀有餡的, 上菜時是熱辣辣呢~


炸白飯魚, 聽到LC媽食時有脆的聲音, 同埋好大條

今次難得飲酒的RL太太都讚枝720唔錯, 不過CM小姐情緒高漲, 謝絕拍攝呀~

據RL小姐所講, 呢間係正宗居酒屋, 在場所見亦有不少日本人光顧, 刺身吧的都是日籍師傅, 應該是正宗日系菜式吧. 不過店內燈光唔係咁舒服, 換咗唔係白光燈應該好好多, 呢間位置咁隱閉, 做私竇都唔錯喎~

石山 Ishiyama

地址: 銅鑼灣駱克道513-515號永勝大廈1樓

電話: 2833 6872

Sift Patisserie

又有老闆走喇! 當然唔少得散水餅啦~ 今次係 Sift Patisserie 嘅 cupcakes.

唔好問我好唔好食, 我完全對cupcakes係0興趣, 因為實在係甜到甩牙, 唔多對胃!

Sift Patisserie

地址 :灣仔皇后大道東51號地下
電話 : 2528 0084

iriver E50

我部iriver N11, 係唔知邊年, 老娘送嘅生日禮物, 唔知係咪夠期, 播播下歌仔自動飛歌, 差咗電9個鐘又同我播得3個鐘......好似想壞咁, well~ 我通常對於呢啲嘢呢, 都會先發制人. 所以呢期就搜下有邊MP3啱心水喇~ 入選嘅有Sony 新出嘅 E系, 不過佢唔係normal USB頭, 好唔friendly囉~ 所以又睇返iriver喇~ 基本上佢新出嘅機款冇一隻我係覺得靚, 好衰唔衰比我睇中呢部停咗產嘅 E50, 外型好cool, 又可以播到52個鐘, 啱哂我喎! 但係停咗產喎, 點搞先~

我搵哂全港有代售嘅電器部, 再打去總代理, 再搵埋淘寶網諗住四新機都冇嘅時候, 上天都真係幾錫我, 竟然俾我係yahoo拍賣搵到一部2手機囉~~ Thanks god!!!!! 好嘢一定有人爭, 不過小女子想得到嘅嘢, 就唔可以爭唔到!! well~ 大家又估下我用咗幾多錢收養佢丫~

由packing, 插頭至機身都係黑色, so cool~~~

盒面大大個貼紙52 hours playback time! 坐2日飛機都唔怕冇電啦~

iriver都係一個好著重design嘅brand, 睇下連繞線圈都design到人型衫咁, so cute!!

個screen好細, 不過我好少睇片, 所以影響唔大

按鈕並唔係熱感式, 都啱嘅, 我都冇體溫 (!)

後面有lock制都幾實, 唔可以單手控制咖~ 黑配橙都幾型喎!

irivier HK

http://www.iriverhk.com/

The Verandah Restaurant

我地team跟P老闆的farewell lunch整整約咗成個月終於成行喇~ 可想而知P老闆人緣有多好~P老闆會駕7人車, 所以今次可以去遠啲喇~~ 是日選址 - The Verandah Restaurant

由公司駕車到淺水灣, 大約都係10-15分鐘, 到步有代客迫車, 是日天氣極好, 配合呢個度假feel環境, 其實可唔可以請下半晝假呀??

7個安排坐到1張圓枱, very nice! 因為一般西餐都係長枱, 搞到坐枱頭同坐枱尾個好似唔識咁.....不過今日張枱好似大咗啲, 可能我個人比較鍾意大家親近啲, 講嘢都唔洗咁大聲嘛~

睇睇個menu先~ 個design好classic呀~

Set lunch可以係自助頭盤, 主菜及自助甜品中揀食2個或者食3個courses, 包湯及咖啡or茶, 有興趣飲返杯嘅, 仲可以配埋refreshing cocktail.

我當然係2 courses啦~ 第一碟頭盤, 好唔客氣地堆滿咗隻碟. 其實食咗2碟, 不過都係差唔多, 所以第2碟唔影喇~

羅馬生菜, 我只係見到青綠近芯的部份, 新鮮爽脆;

雜錦沙律菜, 有rocket喎, good~ 其實有冇人話到比我知, 除咗JW之外, 仲有邊度嘅salad bar有baby spanich供應呢?

因為有panma ham, 所以有melon波波, 冇食pama ham, 不過melon波波係超甜;

smoke samlan肥美, 一般人食應該係咸度適中, 不過我食完就頭痛囉~ 配合嘅紫洋蔥又係好甜~

燒吞拿魚柳, 好耐冇食又試下, 裡面生表面熟, 所以我覺得個鞋鞋地, 個人唔多鍾意呢個質感;

cheese with tomato and barsamico, 冇食chess, 淨食蕃茄, 切得好薄, 蕃茄新鮮挺身先可以切到咁薄, good~

麵包籃, 溫溫的, 個個都話好食喎~

是日餐湯, MC小姐話過油

我冇食主菜, 又睇下同事們食咩~

4位都食呢個, TC小姐那個其中一隻青口有殼冇肉咖......唔知係咪混咗入意粉裡面, 不過咁樣上菜, 好似唔多好睇喎~
2位食羊架, 1位食4成, 另一個食5成, so far我聽唔到有over cook既反應. MC小姐話配菜嘅薯仔好食.

甜品Buffet枱, 後面就係頭盤buffet枱喇~

我呢碟呢......有好邪惡嘅cheese cake, 不太甜, 芝士味濃, 係厚實的質感;

溫溫的bread pudding, 明顯係用法包做, 甜咗啲又冇咩提子乾, 不過個pudding面帶少少脆

至愛的berry, 好新鮮, 好甜~

咖啡冇特別, 唔好意思, 我仲未識分好定唔好~

呢個價, 食環境又可以食到有質嘅食物, 我覺得reasonable喎! 聽聞呢度個hightea唔錯, 搵日又試下先~

The Verandah Restaurant

地址 :淺水灣淺水灣道109號
電話 : 2292 2822

榮川日本料理

街飯吃不停, 出嚟做嘢咁耐, 呢餐係自己pay嘅最貴一餐lunch, 當然要食埋一份啦! 是日選址 - 榮川日本料理

唔知係咪午市優惠喇, 總次呢隻鵝肝蛋就1蚊1隻, 每人限叫一隻. 我冇食, 傳到唔知俾邊個食咗~

冷蕎麥麵, 夠凍, 唔好覺得我講欄gag呀, 煮起唔充分浸冰水, 溫吞吞咁上菜, 即係個廚求其煮比你食啦, 冇heart煮既通常都唔好食, 再者係浸冰水呢個環節係要令麵條降溫, 快速收縮達至煙韌效果, 所以夠凍係好重要.
沢蟹, 好可愛既炸小蟹, 送酒一流, LC媽同CM小姐係叫左清酒咖~~

蘇格蘭生蠔, 廚師開蠔已經將蠔既帶子位起埋, 蠔肉完整, 新鮮冇腥味, 爽口, 海水味唔重


黑松露甜蝦多士, 原來係甜蝦茸囉~

秋刀魚刺身, 口感豐厚肥美

LC媽一坐低就即點呢個, 彷彿魚刺身, 肉身彈牙白身魚類, 清爽不膩

三和味定食, 是RL太太的定食, 定食的名有夠玄呢......當中包括有超厚的漢堡扒, 淋身的紫菜飯團和一個有點濃稠的咖哩湯底拉麵

雜錦上刺身定食, 我自己睇咗之後冇衝動order囉~

銀雪魚西京燒定食, 好想搞懂是燒還是煎呢~ 魚旁邊的白色物體是沙拉醬及花椰菜, 我下次會拍得好一點的, 別打我!

咖哩黑豚定食, 白飯上的小蟹是LC小姐加上去的, 好一個西日混合定食.

鐵板炒飯+牛肉薄燒(二件)定食, JL先生不食牛但卻點了這個, 究竟是店家menu唔清楚還是JL先生要驗眼呢?

安格斯厚燒定食, 這個見到有燒過的格格紋, 上面是炸過的蒜片, 蠻多呢~
所有定食均配有前菜薄切蓮藕, 漬菜及鮮甜的魚湯, LC小姐喝了2碗, 唔知有冇味精呢....天氣愈來愈乾, 又係時候要飲返啲靚湯喇......

追加小食 - 海藻沙律, RL太太問點解伴醋汁, 因為醋可以令海藻變軟易入口同埋縮短煮嘅時間.

呢間其實食物都唔錯, 不過我就唔係好鍾意個環境, 價佢又唔係平, 唔知點解又要裝部電視嘈住哂, 搞到好似迴轉壽司店咁(佢仲要係播3色台).......


榮川日本料理
地址 :銅鑼灣軒尼詩道525號澳門逸園中心7樓
電話 : 2522 0230

利小館

同一team的台灣同事JL小姐嚟香港, 又趁機搵機會出街搵食先~ 是日選址 - 利小館

時候尚早, 所以唔需要等位, 直入~ 橙加啡嘅色調............中式高檔板大快活, 因為台灣的港式點心唔好食, 所以今次主力叫點心.

山東手抓餅, 差! 因為大家不約而同食到有苦味, 所以要求換款式, 轉咗做珍珠雞.

珍珠雞, 即叫即蒸, 因為等咗頗長時間, 咁新鮮, 唔可能唔好食嘅, 同埋原來台灣冇呢樣嘢食咖!

雙芹魚米餃, 手工點心, 個皮晶瑩剔透同埋搓得幾平均, 唔係一啲厚一啲薄

上海小籠包, JL小姐食就知下了邪惡的味精, 最敗筆係........落咗都唔夠台灣鼎泰豐好食. <@.@>

招牌棗皇糕, 熱食糕點之一, 口感如年糕般煙韌, 必食項目

點心size正常, 價錢比一般酒樓略貴, 而小菜款式挺多的, size大小不清楚, 反而小菜價位是可接受, 畢竟都是走young line路線去給人貪新鮮試菜, 試過就算啦~

利小館

地址 :銅鑼灣勿地臣街1號時代廣場地庫2層B217-B218號舖
電話 : 2602 8283