洞庭樓

前文提到P老闆有更好前途, 咁就當然唔少得farewell party啦~ 雖然P老闆係老外, 但係佢真係好local HK guy囉! 所以我地都投其所好, 揀咗間中菜(湖南菜), 是日選址 - 洞庭樓

成間餐廳嘅裝修, 擺設以至餐具都好有懷舊古典美, 至身其中係好似返左去50年代嘅上海大舞廳一樣, 因為P老闆帶埋佢個超可愛仔仔一齊嚟, 所以我地包咗一個房, 房內關上門真係聽唔到出面噪音, good~ 唔似某啲酒樓只用屏風作間隔, 屏風後面個枱講秘密都聽到一清二楚~~~

餐巾都有繡有餐廳嘅英文名咖~

由於包房關係, 有set到min charge, 所以菜式很多, 當中亦包括餐廳的著名菜式.

今日菜單 - 有9道菜+2道甜品


庭湖四冷碟 - 洞庭蝴蝶鮮魚, 魚脆不; 湘汁毛袒雞, 皮脆肉滑; 瀟湘牛蹄脆, 薄得透光; 湖南寧鄉漕肉, MC同事記好味後翻啅~

湘西四季豆豉香辣蝦(餐廳名菜), 有蝦味, 但只有咸, 吃剩的菜式

碧綠鮮玉帶, 無舍特別

湘江砂鍋雲吞雞翅, 鄰座MC小姐那碗的雲吞餡跟皮分開了....KW小姐說不太"泣"口

北京烤填鴨, 經典菜式無驚喜

洞庭豆酥鮮魚(餐廳名菜), 老實說, 豆酥賣相挺倒胃, 但如JL先生說淨食豆酥也不錯, 而魚肉也是juicy的.

上海鹹肉蒸百頁, 溫溫吞吞不夠熱

北菇扒時蔬, 北菇厚身, 獻汁也很厚

德園花素蒸餃, 餡料有粉絲, 木耳, 菜絲, 切得很幼細呢.......

金陵驢打滾(餐廳名菜), 不同於一般的豆沙餡, 這個餡料是白芝麻, 花生碎及椰絲, 糯米皮不太厚, 所以不會太濟, 大家都說這個是要推薦的點心, MC小姐再度翻啅~

衡山三元妃子茶, 色澤不討好, 質地杰身, 但未到糊的狀態, 應該改名為 "銜山三元妃子露" 吧~ 看英文名, 材料有馬蹄, 蓮子及圓肉, 都是清潤的食材, 但不是清甜的食味囉.....是可以引發糖尿病的失敗作~

其實大家食到翅個時都已經飽飽地, 所以最後都食剩好多嘢......成班後生又點會打包丫.....好浪費呀....BTW, 有幸今次嘅farewell party被邀請, 要多謝請客嘅SW老闆同埋悉心安排但最後因病缺席嘅LG小姐. P老闆, 唔好走住呀, 食完呢餐, 我地仲有下一餐呀~~

洞庭樓

地址 :銅鑼灣勿地臣街1號時代廣場食通天13樓1302號舖
電話 : 2506 9288