係某團購網買到半價優惠卷, 見過2日就到期, 所以今日就諗住換個salad當下午茶~
呢個果盤, 比起唱K收你成舊水嗰啲更加豐富, 除咗睇到嘅生果之外, 其實係青瓜底下仲有哈蜜瓜同蜜瓜, 除咗果盤, 仲買咗支即揸紅菜頭西芹青瓜汁, 埋單半價25蚊~ 都叫幾抵食~ 不過因為人手唔夠, 我等咗差唔多半個鐘呀......如果你係有心去買, 最好都係打電話去訂咗先喇~
係香港好難買到紅菜頭汁飲, 都唔明點解咁健康嘅食物, 依家先係香港開始有多啲人識.....不過仲係買到好鬼貴.......我仲好記得係意大利, 呢啲嘢cheap到爆, 我日日買佢加balsamic當lunch, 又方便又好食.......
地址: 灣仔軒尼詩道311號誌寶大廈地下A1號舖
電話: 2598 9111
沒有留言:
發佈留言