仙樂都: 2011/05

2011/05/31

Suede The Greatest Hits Tour Live in Hong Kong 2011

期待十年, 萬眾矚目, 終於都返嚟喇!

Suede 重臨香港

The Greatest Hits Tour Live in Hong Kong 2011

錢已備, 假已請! 誓必出席! 2011年8月11日亞洲國際博覽館Hall 8見!

阿拉丁咖哩屋 Aladin Mess

成日都行過呢度, 又成日都望到個招牌, 但就一次都未嚟過~ 終於都可以八卦下聞名銅鑼灣已久嘅咖哩喇~ 是日選址 - 阿拉丁咖哩屋

細細粒同大蘋果似乎係呢度熟客, 已經諗好哂食咩喇~ 午餐價格正常, a la carte都係around$60-$80, 細細粒仲話呢度夜晚幾有情調, 可以嚟happy hour下喎~

去骨燒烤雞, 熱辣辣, 仲燒得幾香添呀~ 呢個之後仲追加多一碟~

烤餅, 熱上, 不過唔知係咪即烤~

乳酪濃汁羊, 細細粒話好羊, 唔知係咪代表羶呢? 肉質係好淋, 個汁應該唔錯, 因為大蘋果不停用naan bread點極都係呢個汁~

印度香汁魚, 大蘋果話冇羊咁辣, 細細粒就鍾意食呢個多啲, 仲話啲魚幾滑添呀~

飲品方面, 2位都叫咗青檸梳打, 不過好搞笑地, 個侍應會問你要邊隻汽水底, 話梳打水冇味唔甜唔好飲喎......

我地坐坐下就愈來愈多人, 不過都唔難搵位嘅~ 臨走經過廚房, 見到2個廚都係印度膚色嘅人, 應該都正宗呱~~ 連個名都好印度呀~

阿拉丁咖哩屋 Aladin Mess

地址: 銅鑼灣羅素街60號富興大廈2樓

電話: 2808 0250

2011/05/30

多得日本小姐升官發財, 慷慨地宴請知情人仕出席晚宴, 本來好開心地係入西貢食海鮮咖, 但係日本幅射關係, 所以轉咗食dinner buffet, 又, 因為呢度近公司之餘又有特別優惠, 所以是日選址 - Kudos

2010年嘅10月我親身嚟食lunch buffet, 印象係無論環境, 服務同食物都係有質數, 事隔半年.......我好慶幸自己夜晚唔食嘢咋! 如果唔係我就成為劣食團其中一位團友喇! 身為路人X, 所以好得閒地影buffet枱, 又好得閒地騷擾人地進食 (雖然平時都係咁........)

海鮮區, 即開生蠔, 開邊龍蝦, 唔起眼青口, 中等大小翡翠螺, 瞓覺蟹, 多膏; 一係生食, 一係烚熟食, 簡單啲, 識入貨同煲水就夠喇~ 2樣我都識喎!

意式火腿區, 日本小姐話老闆生日食個間嘅火腿好食啲!

刺身壽司區, ~~不明來歷~~冇標明來源三文魚, 吞拿魚, 仲有黃教授口中嘅爽口八爪魚, 刺身係咁多! 3樣有2樣我係唔食嘅! 食壽司我建議去迴轉壽司店, 起碼可以欣賞師傅握壽司嘅手藝!

沙律區, 沙律菜選擇多, 都幾新鮮; 冇蕃茄? 如果你要求多topping選擇, 建議你去沙律專門店!

前菜芝士區, 你有冇意慾去食嘛?

咖哩區, 雞牛素海鮮齊哂, 芝麻脆卷, 炒飯, naan bread不缺, 據小妹妹所講, 都幾好食~

災區熱盤區, 中式: 冇開蓋蒸籠有燒味, 開蓋睇到嘅叉燒包! 要欣賞酒店方面向外國旅客介紹香港美食, 不過我望勻全場都冇一個外國人~ 中湯, 冇人飲; 西式南瓜湯, 飲完要嘆氣搖頭; 西式: 燒牛肉及炒雜菜, 熱盤完!

即叫慢煮區, 平均等半個鍾就有得食喇! 慢煮嚟講叫快咖喇~ 如果唔係點配合酒店9點鐘要埋單嘅活動呢?

慢煮三文魚, Jamie Olive最近有個節目教人30分鐘煮好一餐, 當中包括三文魚, 我覺得仲好食, 大家不妨參巧下~ 我覺得效果唔會比呢個差囉~

西班牙乳豬, 好唔環保地用咁大隻碟盛起一塊相等於5蚊銀大小嘅乳豬, LG媽所言, 好sucking.

野菌意大利飯, 認真! 全晚最好食!

~~重災區~~甜品區, 自己撈珍多冰.......真係估佢唔到! 酒樓式生果併盤(!) 有棉花糖但冇朱朱力噴泉, 連朱朱力醬都冇呀~ 又, 如果你自問會因為由食M牌雪糕, 變咗食HD牌雪糕嘅落差而情緒低落, 奉勸你唔好行近雪糕櫃呀~

劣食團完畢, 多謝日本小姐俾個籍口大家聚一聚, 亦好開心終於都可以約到LG媽再出嚟食飯!! 多謝收看!

Kudos
地址: 銅鑼灣禮頓道8號皇冠假日酒店1樓
電話: 3980 3000

潮物 x 摺櫈

唔好話摺櫈, 我屋企連櫈都冇一張呀! 即係咁.......有時唔係因為金錢上問題(當然呢個都係估相當比重啦!), 而係因為香港地方實在太細, 唔係個個屋企都可以咁幸福擺到sofa或者designer chair咖嘛~ 又, 摺櫈都唔多好坐, 你屋企有咪都係等班豬朋狗友上你屋企先開俾佢地坐.....係時候檢討一下你點對朋友喇.......kekekkeke......

講咁耐, 十大武器之一嘅摺櫈已經從良變咗型格公事包喇~ 簡直就係同我地呢啲又潮又斯文人嘅人襯哂~~(唔好柴台丫! 唔該!)

未變身之前, 就係一個公事包~ 帶佢出街一啲都唔失禮~ 摺埋得85 x 77 x 1.5cm!!!! 2部ipad2嘅厚度, 好變態!

變身喇~ 完全係一張designer chair嘅摺櫈! 只要你體重輕過160kg, 就唔需要擔心坐扁張櫈! 你話如果坐住佢開四方城會點? 我覺得淨係個格都大剎三方啦~

咪睇佢膠膠地, 膠得嚟係用可回收膠料製造, 膠得嚟環保, 潮得嚟都唔係得個殼~

係咪好想知幾錢呢~~~ kekeke....... 以上潮物, 小妹暫時淨係見到網上開買, 仲有得送貨添~

溫馨提示: 我屋企欠張櫈呀~

2011/05/26

唯一的白 x Adidas Sleek Series

鋪天蓋地的黑色衫, 黑色褲, 黑色裙, 黑色袋, 黑色............只有一樣東西是有餘地令我選擇白色 - 波鞋!

SS 2007 Adidas Sleek Series

極級鍾愛, 超後悔冇買多對!

cookDeli @ City'super Times Square

CC妹妹的生牛肉河

估唔到中午時間呢度都唔難搵位喎!
吃罷就去敗家!

2011/05/25

廖同合荳品廠

今日到油麻地找事幹(搞事掍)之前, 就先到旺角街市買生果, 都真係幾經濟價下咖! 又因為同CC妹妹一齊, 就介紹呢間荳品老字號俾佢, 是日選址 - 廖同合荳品廠

最最最鍾意就係呢啲咁old fashioned嘅豆品舖! 得幾樣賣, 絕對唔會出現選擇障礙症, 又, 最鍾意一路行入舖搵位, 一路order食咩~~ kekekekkee........

熱豆腐花~ 大家單憑外表睇唔睇得個重點呀? 1秒, 2秒, 3秒.......

重點係最上層嘅豆花係反轉落碗, 形成拱形, 睇落去成碗豆花肥嘟嘟咁, 好似同緊你講, "食得溫柔啲, 咪咁大力咬呀!會痛咖......" ok, 我對豆腐花最溫柔, 又咁講, 食呢碗豆花根本唔需要咬, 因為佢係識跣入喉嚨, 冇機會咬! 豆味仲.....哈哈, $6.5一碗絕對超值!

煎釀豆腐豆卜, CC好好所言, 豆腐好食過魚肉好多, 所以話呢, 去啱餐廳之餘都仲要識揀食咩~

呢間豆品廠, 又另我諗起N年前, 老爹帶我去一間位於長沙灣嘅豆品廠.....睇嚟又係時候要搵藉口去逛一逛喇~~~

廖同合荳品廠

地址: 旺角廣東道1067號

電話: 2392 9293

2011/05/17

大家樂

對於本地薑快餐店嘅印象係吃不得, 所以呢10年間去快餐店嘅次數比去醫院嘅次數還要少~ 我知! 快餐店係好多人嘅飯堂, 咁我係外星新移民嘛.......fine! today我又八八卦卦咁參加秘書敗家團喇~ 為咗爭取時間幫荷包放血, 快餐係一個好幫手, 是日選址 - 大家樂

窩蛋牛肉飯, 估唔到快餐都整得幾靚喎~ 不過依然好抗拒橙色嘅免治牛肉醬.......

粟米魚柳, 睇個樣都似係龍鯏柳, 不過都唔係好敢肯定, 你知啦.....乜都有假嘢! 又係另一個唔睇唔知, 請留意下係有gravy boat將粟米汁分上咖~ 原來依家快餐都有係擺盤上用心思咖喎! 家還曷其實有咗好耐咖喇? 又, 有冇人知gravy boat中文係咩呀?

肉醬意粉, 其實係咪所有外食嘅肉醬意粉都一定係橙色咖? 唔.....我對錫紙盤嘅肉醬意粉冇好感呀.....

冇留意咁樣一餐大約幾錢, 淨係知好多人, 有好多人等位, 又有好多人自己一個食飯, 環境又好嘈, 如果俾我揀, 我諗我會去翠華........

大家樂

地址: 梗有一間係左近

電話: 打去做咩呀? 玩電話呀?

美心西餅 @ 3D生日蛋糕

老闆生日又點上食飯咁簡單, 我呢啲梗係做全套啦~ Lunch食semi-buffet, 斷估大家都食唔落生日蛋糕咖喇~ 所以就將切餅呢個重要時刻留返係tea time, 登登~~~

3D足球蛋糕一個, 波牛啱哂~

係啲咁高興嘅日子, 又講個秘史俾大家知啦~ 根據知情人士報告, 老闆好熱愛踢波, 熱愛嘅程度係佢只要換咗套波衫, 落場跑5分鐘, 之後就企係球場旁邊指手劃腳, 場波就嬴咖喇~ 唔怪得老闆咁似個足球啦~~~

再次祝文老闆生日快樂呀!!!! 我會幫你減肥成功!!!!

2011/05/12

Pepino Cucina Italiana @ 後篇

上回講完前菜, 大家飽未呀? 未就去主菜喇喂~

Braised Beef, 冇食, 唔知味; 不過order嘅時候, 侍應布問到要幾多成熟喎~

Duck Breast, 都係冇食, 唔知味~

Sole fillet, 小朋友反映有點鞋; 唔知係小朋友味蕾未發育定魚肉真係鞋喎~

Seafood risotto, 蕃茄汁雖然有點怪, 不過日本小姐話都幾好食, 同埋好濃芝士味!

Pizza, SH太太係set menu揀唔啱對口味食品, 所以就a la carte叫咗pizza, 睇落去餅底好似唔多夠薄...

主菜都食埋喇~ 就輪到女士們期待嘅去甜品喇!

甜品就你咁多喇, 仲有影唔到嘅麵包布甸! 特別一提係Tiramisu係冇酒嘅成份, 唔嗜酒同未成年就啱食喇~ 不過睇個樣都知唔正宗啦~ 由於我戒糖關係, 除咗生果之外, 所有甜品冇食, 淨係知生果好都幾甜同新鮮~

Set-lunch仲會包餐茶一杯! 埋單t某銀行信用咭會有85折優惠, 呢個價再加上有質數嘅食物, 舒服嘅環境, 貼心嘅服務, 強烈推介呀!!!

Pepino Cucina Italiana

地址: 灣仔謝斐道238號世紀香港酒店1樓

電話: 2598 4599

Pepino Cucina Italiana @ 前篇

適逢文老闆生日, 又有藉口食餐勁~ Yeah! 其實文老闆好愛日本菜, 可惜經我明查暗訪之下, 知道佢都唔多夠膽呢個時候食日本嘢, 都啱嘅....話哂仲有一家大細要養~ So~ 揀咗佢另一至愛, 牛是也! 但又唔可以全食steak喎! 因為同行有同事唔食牛&食素, 為咗可以令大家揀到對口味又有質素嘅食物, 就揀咗意大利semi-buffet喇~ 是日選址 - Pepino Cucina Italiana

由於篇幅太長, 所以分咗前菜, 主菜及甜品篇~~ (擺明吊你胃......奸笑ing~~~)

店子位於酒店1樓, 好隱蔽地要串過coffee shop先搵到! 建議酒店方面要多加指示牌, 免得首次光顧的客人周圍搵! 先講下semi-buffet點收費先~ menu列出嚟有2個價, 其實係有3個嘅~ 而Main course 有6款選擇.

1. Appetizer bar + Dessert bar HK$168

2. Soup + Main Course + Dessert bar HK$188

3. Appetizer bar + Main Course + Dessert bar HK$208

我今次有影到buffet枱, 都叫做對大家有所交代啦~ 當然唔少得我班得力同事點唔同main course俾我影啦~ fine.....去相~~~

Assorted bread basket, 法包, 黑麥包 & Grissini, 明顯地grissini係來貨, 因為太平滑喇....

沙律菜, 好開心地係有baby spinach,不過出咗一轉就冇再出喇.....可惜! 上面白色四方碗係topping, 不過唔多吸引, 白色圓碗係dressing, 當然唔少得有成枝balsamic vinegar任落啦~

Appetizer bar

smoked salmon偏咸少少, 但係配合紫洋蔥就啱啱好! 日本小姐話我食咗人地成條喎! (有咩? 搞咩你咁留意我呀?)

Parma ham, Cold cut & Salami, 日本小姐話parma ham唔臭, 仲幾好食, 起碼有12個月, 嗜豬者必食也!

Beef carpaccio, 有rocket leaves墊底, 真係要俾個like佢! 可惜我唔食牛, 不過呢個salad一出就俾人攞哂! 好彩都refill得好快~

Cheese platter, 睇到係有heart之作, 因為有提子, 乾果之外, 仲有平時好少會出現嘅蔬菜條;

Olive有2款, 仲有醋洋蔥仔, good!

呢2個係熱伴菜, 不過冇興趣, 冇食~

Mozzarella tomato salad, 如果啲乳清隔得乾淨啲會好好多! 日本小姐話芝士味有點淡, 個人認為係香港食到新鮮已經叫合格咖喇~

燒蔬菜, 冇食; 奶黃色三角形......以我認知意菜嚟講, 應該係粟米糕Polenta (有錯講指教! 謝謝!)

要唔要俾少少時間大家攞紙巾抺一抺口水先呀? wkekekekeke......

待續!

Wildfire

呢日熱到暈, 同徐醫生出完診之後就嚟咗鯉景灣飲嘢, 漫無目的之下就揀咗間個feel好holiday嘅, 是日選址 - Wildfire

大家唔好誤會, 我地係tea緊, 唔係happy hour呀~ 只係order嘅飲品比較有happy hour feel啫! 店家裝修係半開放式, 所以都會感受到外面天氣嘅炎熱, 例牌地叫咗fresh lime soda, 徐醫生嘅係special drink, 不過唔知咩名呀~ (謝謝徐醫生請客及幫忙起命盤! 哈哈!)

Wildfire

地址: 西灣河鯉景灣太康街45號B期GB02-07號地下

電話: 2261 2999

紅螞蟻

雖然日日都同唔少同事用email同埋電話contact, 但真正見過面嘅就係有限數; 好開心呢日約咗電話講過好多次, 但係未見過嘅秘書姐姐食飯, 仲約埋約咗半年話食lunch都唔成事嘅神州同事一齊出嚟~~ 是日選址 - 紅螞蟻

午市不設訂位, 約人食飯我好少做啲咁唔safe嘅事, 好彩神州同事放假可以早少少嚟搵位啫~ (真係麻煩哂!) 午餐有湯麵餐同焗飯焗意粉餐, 銅鑼灣嚟講, 我覺得呢度係中價, 睇下又值唔值~

香茅豬扒米線配椰香海鮮辣湯底, 細心地豬扒已經係碎上, 但係可唔可以擺得好少少呢? 椰香海鮮辣湯底有椰香, 但係未有發現海鮮喎~~

香檳芥末汁焗鮮牛肉飯, 神州同事話呢樣係開飯網好出名; 個飯仲嚟得快過個湯粉(奇!) 真係一粒粒芥末子喎! 炒飯底, 不過同事話啲飯麻麻地.......

我幾時都話食飯係為咗俾個機會大家溝通下, 呢求食物質數唔關我事~ 不過咁, 突然有個願望, 可唔可以係同一位置開返間翠華呀?

紅螞蟻

地址: 銅鑼灣霎東街5號地下

電話: 2890 3323

人滿之患@筲箕灣佛誕

除左耶穌生日有假放之外, 佛祖生日都有假放喎! 真係要多謝2位令到大家係炎夏同寒冬之下都有假期, 俾大家輕鬆下~

呢日佛誕, 香港有唔少地方都有慶祝活動, 最出名就係長洲飄色巡遊啦~ 我年年都話要坐船去睇去玩, 一年又一年, 十年都真係嚟喇..........

好喇~ 今日咁啱係筲箕灣搵個朋友, 又, 呢度又係一個佛誕節目活動之地, 忍唔住要停下腳步感受熱鬧氣氛(同埋熱辣辣嘅天氣.....) 大家睇下, 真係好多人, 又好多舞獅同舞龍呀~~~

懷舊小食

對於砵仔糕嘅回憶: 細個覺得白色冇豆靚啲, 所以就揀白糖無豆砵仔糕; 長大之後, 對食開始有要求, 就覺依照味覺去選擇, 覺得黃糖有豆好食啲! 到咗依家, 除咗要好食之外, 仲要講求健康, 有時都唔輪到你揀, 我呢.......都冇食砵仔糕好耐喇..........

好少豆....

一翻轉, 啲豆沈哂底~

2011/05/11

廣告唔係廁所位, 絕對令你睇完又再睇!

唔知大家係屋企睇電視嗰時, 當播廣告嘅時候, 大家會做啲咩呢? 去廁所? 定撈埋廣告汁呢? 我相信大部份人都係會認定廣告時間係廁所位, 我唔會評論香港嘅廣告有冇質數, 因為我屋企冇電視好多年, 所以都好多年冇睇過香港嘅廣告喇~ 但係我係一個外星人, 所以亦有一個奇怪嗜好, 就係係youtube sreach 廣告睇 (有夠無柳的宅女!) 咁當然梗係睇啲有話題性同埋吸引指數高咖啦~ 就好似以下呢個香水廣告咁, 忍唔住連續睇咗3次!!!

睇後感係:
1. 男人唔壞, 女人唔愛 (有時做女都係犯賤咖!)
2. 個Brand搵啱人做代言人
3. Vincent Cassel 有邪氣得嚟好man, 唔係特別靚仔(靚佬), 但係型到爆! (回應感想 2)
4. 只要有質數, 廣告唔係廁所位, 絕對令你睇完又再睇!

意猶未盡, 仲有埋making of添呀!

2011/05/07

Brett Anderson - Love is Dead

對人的失望, 對愛的絕望; 極殘酷, 但現實; 孤寂淒美, 悲傷無奈

Brett Anderson 就是能如此華麗地將血腥的現實演繹出來

Nothing ever goes right
Nothing really flows in my life
No one really cares if no ever shares my bed
People push by with fear in their eyes in my life

Love is dead, love is dead

The telephone rings, but no one ever thinks to speak to me
The traffic speeds by, but no one's ever stopped here yet
Intelligent friends don't care in the end, believe me

Love is dead, love is dead

And plastic people wear imaginary smiles
Exchanging secrets at back of their minds
Plastic people, plastic people

Nohing ever goes right
Nothing really flows in my life
No one really cares if there's horrors inside my head
People push by with fear in their eyes in my life

Love is dead, love is dead
Love is dead, love is dead
Love is dead, love is dead...

And all the lies that you've given us
And all the things that you said
And all the lies that you've given us...
Blow like wind in my head