大自然素食

好多人都知同我出街食飯我係唔多食嘢嘅, 而對於我嚟講, 食飯=傾偈, 所以就算我唔食, 我好enjoy食飯呢個活動, 好讓我呢個外旦人多啲機會同地球人溝通下~ lunch time時間係一個best time! 呢一日又係同4朵金花風花雪月嘅時候喇~ 上回食韓仔嘢食咗好多肉, 今次特意揀咗比較嘅健康素食, 是日選址 - 大自然素食

呢張係午餐套餐, 淨係睇菜名, 雞牛豬魚樣樣齊, 完全唔覺自己order緊素食咖~ 選擇都幾多, 我地order咗4人餐, 又係食唔哂.......

好經典嘅齋舖餐前小食, 香水菠蘿, 我冇食, 因為唔知有冇浸過糖水~

五彩雞絲粉皮, 麻醬係冇另上嘅, 唔知點解冇麻醬, 搞到好似dry dry地咁~

鮑魚雞絲翅, 簡單問: 你係咪分別到一般酒樓真係俾真翅你食呢? 溫馨提示: 食真翅唔多環保呀!老友~~

鮮蘆筍炒豬柳, 鮮蘆筍夠粗又冇渣, good! 反而啲"豬柳"出事, 又乾又"韌"

魚香茄子炆米粉, 董輝太太話有少少辣, 但係好惹味

瑤柱福建炒飯, 就咁睇同酒樓有咩分別呀?

發財富貴一品煲, 好富貴地有"海參", "花膠"同埋大冬菇, 仲有生菜墊底, 不過"海參"同"花膠"都好韌......

同場加映辣椒油, 有點"XO醬" feel......, 有考究過白色嗰啲係咩, 不過仲未有答案.....

呢一餐"鮑參翅"都食勻喇~ 用埋double u小姐張9折卡, 位位都係$6x, 仲有一樣要讚嘅係, 呢度係飲玄米茶咖~~ 正呀!!! 啱哂我呢啲液體人~~

大自然素食

地址: 銅鑼灣軒尼詩道502號黃金廣場8樓

電話: 2808 1386