Appreciation dinner

多得我team同事及老闆係上半年不停出trip, 令到我個名係corporate travel agent個曝光率大增, 亦因為咁, 有幸得到該公司邀請出席appreciation dinner, 啲地產都真係幾識做生意~~ 是日選址 - 港麗酒店; 連搞party嘅地點都安排係自己物業之內嘅酒店.......講到咁, 大家都應該知邊間喇呱~~

未坐底已經攞咗一大堆記念品, 呢度只係一部份, 仲有遮啦, usb啦, 書啦.....仲有backdrop同cameramen幫大家影相, 據聞仲有師傅幫你睇相添~~ 唔怪得啲人咁早到啦~

我呢啲未見過世面嘅, 一心以為英國公司就係食西菜, 點知又係食中......其實啲酒席菜式可唔可轉下呀, 食嗰個唔悶, 煮嗰個都悶啦; 煮嗰個唔悶, 打menu嗰個都悶啦; 個個都唔悶, 我呢個淨係睇都悶喇........以我所慮知呢個係中價菜單, 都幾好啦~~ 又咁講, 所有公司dinner party大家都唔會將個焦點放係食上, 因為更重要梗係不勞而獲嘅抽獎啦!

呢個就係我抽到嘅table prize喇~ 多得太太同CM小姐為我地嗰枱增光, 佢地分別都抽到免費酒店住宿呀!!! 羨慕ing~~~~~~~

抽獎之餘, 當然唔少得表演節目啦~ 當日搵嚟鄧健泓做MC同陳潔靈唱歌, 陳小姐唱live都真係幾好聽~ 至於鄧生......明顯佢要再跟多啲前輩學下做MC喇~~~

好喇~ 同場加映新聞一則 - 女色狼生擒白淨男