潮物 x 摺櫈

唔好話摺櫈, 我屋企連櫈都冇一張呀! 即係咁.......有時唔係因為金錢上問題(當然呢個都係估相當比重啦!), 而係因為香港地方實在太細, 唔係個個屋企都可以咁幸福擺到sofa或者designer chair咖嘛~ 又, 摺櫈都唔多好坐, 你屋企有咪都係等班豬朋狗友上你屋企先開俾佢地坐.....係時候檢討一下你點對朋友喇.......kekekkeke......

講咁耐, 十大武器之一嘅摺櫈已經從良變咗型格公事包喇~ 簡直就係同我地呢啲又潮又斯文人嘅人襯哂~~(唔好柴台丫! 唔該!)

未變身之前, 就係一個公事包~ 帶佢出街一啲都唔失禮~ 摺埋得85 x 77 x 1.5cm!!!! 2部ipad2嘅厚度, 好變態!

變身喇~ 完全係一張designer chair嘅摺櫈! 只要你體重輕過160kg, 就唔需要擔心坐扁張櫈! 你話如果坐住佢開四方城會點? 我覺得淨係個格都大剎三方啦~

咪睇佢膠膠地, 膠得嚟係用可回收膠料製造, 膠得嚟環保, 潮得嚟都唔係得個殼~

係咪好想知幾錢呢~~~ kekeke....... 以上潮物, 小妹暫時淨係見到網上開買, 仲有得送貨添~

溫馨提示: 我屋企欠張櫈呀~