越窮越見鬼!

事情是這樣的.........

包租婆話想同我續租, 我又見住得好好地, 續就續啦~ 終於琴日就正式簽租約喇!

當填緊租約之時, 包租婆突然就話: " 外星小姐呀, 我要添D租喎~"
我.....O咀地: " 吓......"
包租婆: " 係呀, 度度都加, 係咁意添少少啦~"
滴汗的我: " 咁你想加幾多丫?"
包租婆: " 都唔好加咁多, $X00啦!"
數學唔合格的我: " 吓?? 咁多?! 婆婆.....我自己一個人, 又唔係搵得多, 唔好加咁多啦! 減啲啦!" (一啲都唔係所謂嘅係咁意囉~)
包租婆: " 唔多咖喇! 你出去睇下呢個價都租唔到咁好呀! 樓下幾多尺.....(下刪一萬字)
勁可憐的我: " 婆婆, 我真係好可憐咖......加少一百啦!"
包租婆: " 哎呀...嗰一百就當俾阿婆買嘢食啦!"
肉隨砧板上的我: " 唉.......好啦好啦........."

頂! 早又唔講, 唔簽約嗰一刻都唔講加租!!!! 早啲講等我都可以睇下邊度天橋底仲有位丫嘛! 咁遲先講, 俾人瞓哂啦!!!!! 就算我數學唔合格都計到足足加咗我3成租呀!!!!!! 3成呀!!!!! 已經窮咖啦! 仲要加租!

平時都夠慳喇.....煲完湯D湯渣分2日lunch食 , 家陣唔得喇! 要分4日食先得喇!!!!! 剩返嗰日灌水算喇!!!! 把幾火!!!!!

你加得咁開心, 我一定有辦法令你心甘命心抵俾返我咖! 睇住嚟啦!!!! 冇人可以係我不情不願之下係我荷包攞一分一毫!!!!!!! 仲有呀.....2年內我一定搬俾你睇, 我呢啲好租客, 你一世難求呀!!!!!!

燒到著哂...........