店家屬美心飲食王國旗下的新派餐廳, 環境不失其一貫的年輕化時尚作風, 食物擺盤精緻, 價格是中等的; 好一個吸引年輕人的心思! 真心講, 極少外食的我都鐘意呢個環境, 講緊中菜喎!!!!
點心紙簡潔清楚, 有埋英文對照, 擺明做埋洋人生意; 我知你地餓喇.....去食物囉~
未上點心之前, 先上茶芥, 呢個點心紙寫叫泡菜呀! 迫你要嘅, 所以要做得有心思啲, 唔係你點心服心口俾多$12蚊呀!
香煎蘿蔔糕; 好香蘿蔔味, 少少臘腸咁啦~ 其實應該都冇咩人未食過美心蘿蔔糕啦~
白灼翡翠苗; CC妹妹未食過, 所以要試! 都真係幾白灼吓, 靚女主播所言, 得油同鹽囉~
麵醬雞柳炒烏冬; 一致認同好食, 唔多油, 睇下條菜都知啦, 冇上力架咖~
之前有聽同事講過呢間嘢麻麻, 今次親身到訪又唔係咁差喎~ 始終每個人口味都唔同, 唔試過又點知先~
我好開心可以同靚女主播食飯喎! 真係好靚女咖~ 最鍾意就係同啲靚女靚仔做朋友咖喇! 嘻嘻~~
沒有留言:
發佈留言