因為細細粒有85折咭, 所以連叫餐都豪啲, 目的只係因為想大家食好啲開心啲, 你哋對我太好喇.....(感動ing.........)食完呢餐我真係勁開心呀~~~ 豬扒萬歲!!!! <--點都捧下自己場先啦~ right?!
Lunch set叫咗呢個最貴嘅2人餐~
同最平嘅C套餐~
呢度叫人唔駛舉手咖~ 按鐘就得咖喇~ 不過食到尾都係按過一次, 因為慣咗舉手~
食物未到枱面已經好多嘢喇......呢個係柚子醋, 豬扒醬, 同芝麻醬油; 大致係咁啦....我一樣都冇點過~ 不過僂儸差唔多用哂成樽豬扒醬撈飯囉!
DIY磨白芝麻, 我淨玩冇食過~ 都幾好玩! 嘻嘻~
漬物, 鹽及疑似芥末醬
辛味豆腐, 泡菜好食, 豆腐夠滑, 如果唔係咁多嘢食, 我諗呢個要encore!
三文魚刺身, 細細粒話冇佢上一次嚟食咁肥美, 不過我睇都唔差, 之少肥瘦均勻先啦~
麵豉湯, 同平時飲嘅唔同, 呢個明顯用赤麵豉整咖, 因為深色啲, 我諗唔係開粉囉~
吉列生蠔, 豬柳及大蝦, juicy x10次!! 配菜係極好味! 椰菜甜到我覺得好似用糖水浸過咁~因為太好食嘅關係, 而呢度又任加菜喎! 所以就........加咗起碼5次囉........
Juicy的豬柳切半~
黑菌釜飯, 未食已經聽到好好食, 真係好好食~ 梗係啦.....日本米喎~
最後係西瓜仲結尾, 都啱丫! 食完咁多炸嘢, 係時候下火喇~
食物好食, 不過服務就要改進下喇~ 因為幫我哋收碟嗰位姐姐竟然掉筷子同筷子託......可能佢同我一樣唔開心啦~ 不過掉嘢係唔啱咖bor.......
呢度好貴呀~ 不過好好好間唔中一次都好OK嘅, 當然有人請客就梗係拿拿林book位啦~ 嘻嘻! 勢必翻兜呀!
地址: 銅鑼灣百德新街2-20號恆隆中心3樓T02舖
電話: 2890 1384
沒有留言:
發佈留言