御饍韓國料理

身為Korea fan, 有機會梗係要試下唔同嘅韓國餐廳啦~ 印象中, 韓國菜仲貴過日本菜, 不過時而勢逆, 依家開多咗韓國餐廳, 價位都變得親民啲, 是日選址 - 御饍韓國料理

餐廳位置有啲隱蔽, 好似係後巷咁~ 不過入到去就好唔同, 成個環境都好舒服, lunch set親民價$60-$80, 又睇下有咩食~

未order先嚟前菜6小碟~上至下, 左至右: 豆腐, 蘋果沙律, 泡菜, 青木瓜沙律, 西蘭花, 蓮藕片. 雖然係小食, 但係感覺上間餐廳好似好welcome你嗰隻feel~

白飯及蘿蔔湯. 湯好清, 但係聞到好濃蘿蔔味; 白飯係好好味嘅韓國米~

紅炆牛肋骨, 好多人都知韓國嘅牛好出名, 唔知呢度係咪正宗韓國牛, 淨係知啲牛肉好淋, 牛肉汁好濃, CC妹妹用哂啲牛肉汁撈飯! 除咗牛肉之外, 仲有白蘿蔔都炆到入哂味呀!

石頭鍋飯, 呢個都有配湯咖~ 小碟嘅係韓式辣醬, 撈起嚟都幾香, 愛澱粉質嘅必愛啦~ 其實我曾幾何時都好鍾意食咖, 正宗飯桶囉~ (承上篇吉列豬扒文, 又豬扒又飯桶, \(^.^)/ yeah~~~~

呢度真係好好坐, 環境好舒服, 服務又好~ 行開呢頭開飯, 呢間係心水之一呀!

御饍韓國料理

地址: 灣仔灣仔道232號地庫 (軒尼詩道大公報側入)

電話: 2561 1063