千両

因為友人未試過, 所以要行善積德陪下人去試囉~ 正呀! 有籍口去勁飲綠茶! Kekkekekeee......是日選址 - 千両

已經好耐冇嚟呢類型嘅迴轉壽司店, 反而去居酒屋多啲, 唔係哂命扮嘢, 而係因為性價比問題! 大家都見我真係好好好間唔時先一餐, 俾我食好少少啦.......連續4日食湯渣嘅日子仲有排捱呀.....

一般迴轉壽司店老規矩, 冇得訂枱, 人數唔過一半唔入得.....你話喇! 我呢種懶有plan, 但又鍾意突然玩mood嘅人點會嚟食丫!


呢個係百両定食 ($68), 明顯我係影到爆哂光, 想睇靚相去官網啦~ 唔係人哋俾咁多錢請班影相佬做咩呀! 套餐有鮮菜沙律, 真係好新鮮; 木魚湯烏冬, 木魚碎+味精湯+烏冬; 天婦羅蝦餅, 脆咖! 1件碎三文魚軍艦, 紫菜你又會expect有幾脆先?! 不如你expect一下會唔會冇骨好過啦~ 3件手握壽司, 赤海蝦, 吞拿魚及三文魚, 全部都新鮮!

個人最欣賞係可以任落綠茶粉去調較啱自己濃度嘅綠茶~ 真係feel so good!!! 邊個要搵人陪去千両呀?? 在下隨時候命呀! Kkekekekekekee......




千両
地址: 銅鑼灣時代廣場B2 B222號舖
電話: 2506 9366