燒賣回憶

好多人都話鴻福堂的燒賣好食........又有幾好食呀?? 咪又係魚肉一舊加豉油.......冇嚟誠意.....

對於燒賣的回憶係幼稚園年代, 小時候返幼稚園是坐大校巴的, 等校巴的時候正是食早餐的好時間, 冬天個時, 街口有一檔推車仔賣牛肉燒賣的, 車仔上有一個很大的竹蒸籠, 叔叔打開蒸籠個時好多好多蒸氣, 之後吉一串4-5粒燒賣, 係寒風之中食一串熱辣辣嘅燒賣, 好warm呀.......嗰時啲燒賣係用豬肉餡加蝦仔, 比起依家嗰啲淨魚肉燒賣有誠意得多呀~ 而講到最經典嘅燒賣, 當然唔少得鵪鶉蛋燒賣啦~ 不過聽啲哥哥姐姐講, 最最最懷舊應該係豬潤燒賣喎!