雖然我係慣性帶飯(煮飯), 但其實都好好奇其他同事去邊度食lunch, even我唔食, 但我都好enjoy陪坐傾計嘅~~ 呢日我就名咗3位同事出去食lunch喇! 因為其中一個係茹素, 所以是日選址-loving hut
店家係一間素食快餐店, 有別於一般傳統齋鋪, 濃油赤醬加味精, 唔好以為食齋就好清先得咖.........所以我從來都唔係傳統齋鋪食飯!! 依家香港人都開始注重健康, 所以清新素食店都開多咗, 我希望再開多啲, 等我啲朋友約我出街食飯都冇咁頭痛, 嘻嘻! 講咗咁耐, 又睇下今餐食咩先!
午飯時間有set, 主食配時菜, 另外可選飲品或例湯. CC小姐呢個係冷素麵, 好欣賞店家將啲麻醬分開上, 睇落去佢好似唔多同油煮咁喎! 清炒時菜係翠玉瓜, 椰菜加甘荀絲, 唔知會唔會日日唔同呢? 紫紅色個杯係紫背天葵, 冇試過唔知有冇落糖. 咿?! 睇嚟呢個麵我食得喎! 另外細細盒係冷小食海帶, 唔跟餐咖, 好似係$10一盒.
CL小姐嘅味噌煮茄子, 由於係share食, 大家都一致認為呢個好味, 個汁應該幾好下飯. 店家的特色紅麴米飯, 例湯好清, 但對我而言, 冇油唔代表冇味精.
SH太太的乾炒牛河, 賣相跟一般的冇分別, 聽她說食味不錯, 還有一個小食牛蒡沙律, 沒有拍照.
這家店的菜式都幾清, 頗適合我, 但就個人, 最不欣賞的, 就是素食扮肉食, 最怕一些抄得神似的, 一定加了不少化學製......不吃也罷~ 又聽說這裡有供應素食的蛋糕, 有機要一試呢~
沒有留言:
發佈留言