仙樂都: 2011/02

2011/02/28

翠華餐廳

Wow~ 好Ad hoc地同CC妹妹, Dr. Tsui嚟一個晚餐, 係茶餐廳同漢堡包對決之下, 香港人梗係食茶餐廳啦~ 仲要係茶餐廳名牌喎! 是日選址 - 翠華餐廳

奶油脆豬包, 好大個呀! 脆唔脆唔知, 個人口味覺得花生醬好味啲, 幾年前呢度係用粗粒花生醬, 依家有冇變就唔知喇~

咖哩牛腩飯, Dr. Tsui連menu都唔洗睇就order呢個, 似乎係食過番尋味系列喎!

凍咖啡, 大家留意下面頭係有咖啡粉咖! 茶餐廳都講presentation咖!

對香港人嚟講, 茶餐廳同冰室總係俾人好多回憶; N年前嘅我成日都會嚟食宵夜, 傾閒計; 朋友, 仲記得唔記得係呢度坐通宵嘅日子呀? 你近來好嗎?

翠華餐廳

地址: 銅鑼灣謝斐道493-495號地下

電話: 2892 2633 / 2834 2438

心。泰

又同靚仔Dr.Tsui食lunch喇~ 識到佢真係好, 可以免費睇醫生, 嘻嘻~~ 上次食完越南菜, 今次又食下泰國菜丫~ 是日選址 - 心。泰 (唔係心理變態, 好爛呀.......)

訂位已經問有冇圓枱, 有.....不過得細圓枱, 我地7個人坐唔落, 又係長枱侍候, 不過今次坐得開心啲, 因為安排咗sofa位. Good! 服務都幾好, CC妹妹所言 "quality of services", 我本人就覺得waiter好過waitress, 差別在於一個有笑容, 另一個冇, 其他冇分別, that's all!

Lunch有set提供, 4選1前菜+7選1主菜, 不連餐飲, 唔知會唔會日日轉menu呢? 我呢班同事對我好到不得了, 因為個個都order咗唔同嘅食物, 等我可以記錄俾大家睇! (鼓掌)

椒鹽豆腐, 真係唔知呢樣係泰國菜喎! 定係港式泰菜呢? well, 我好欣賞order呢個嘅TC先生同JK小姐, 因為呢個係手工菜, 屋企好少整, 出街食啱哂!

素香米紙卷, 睇得出好健康同好fresh, 因為有紅蘿蔔, 紅菜頭同芒果, 不過CC妹妹話點咗個sauce之後, 啲芒果好酸呀......

炸魚鮮果酸辣沙律, 大家睇唔睇到鮮果係咩呀? 答案: 蓮霧 <--(Highlight即見)

椰汁雞湯, Dr.Tsui "睇個樣係估唔到原來係酸嘅!" 梗係啦! 加咗青檸嘛~ 你估白色就係忌廉湯咩....

泰式炒豬肉河, 炒得好香又夠乾身~ 不過泰國唔係興濕炒咖咩? (真心問)

冬陰功湯米線, 果然多蝦, 就咁數都有6隻呀!

青咖哩牛柳片, CC小姐食淨半碟, 原因係太辣! (泰辣, 又爛!)

泰式酸辣原條炸魚, 有相為証真係原條咖~ 午餐有呢個presentation, 好surprise呀~

Lunch set係一分錢一貨再加睇得到嘅誠意, 係一間可以再嚟嘅餐廳, 而我呢......見到椰青單點$40, 所以話幾時都係飲水好, 對身體好, 對荷包又好~

心。泰

地址: 銅鑼灣勿地臣街時代廣場食通天11樓1104號舖

電話: 2506 1212

2011/02/27

粉葛煲土茯苓

煲湯除咗要夾天氣, 仲要夾體質嘅~ 天氣依然濕濕地, 搞到我依然都係瞓得唔好, 於是呢........好不幸地係下巴位生咗粒大孖瘡囉! 咁就冇計啦~ 又要煲多劑山草藥湯喇~ 是日湯譜 - 粉葛煲土茯苓

白色一舊舊就係粉葛喇~ 平時我係唔會叫檔主幫我去皮咖! 不過今日天氣好好, 所以想快啲去哨街, 就叫檔主去埋皮切塊~ 揀粉葛記得要揀啲頭尾係白白淨嘅先叫正貨! 橙色一片片上次介紹過啦~ 係新鮮土茯苓! 因為舊葛好靚, 所以今次唔加紅蘿蔔都應該夠甜咖喇! 買料至落煲都係用咗15分鐘咋.....噢! 我真係懶中之霸......貴就係貴啲, 大拿拿用咗25蚊去買料咖~~ 不過我講緊一煲湯囉! 好抵好抵~~~

唔知大家有冇飲過一啲好黏口嘅葛湯呢? 我就唔鍾意咁黏嘅口感, 想要啲湯口感爽身啲呢, 咁就要係清洗粉葛個時, 開住水喉用水沖耐啲, 沖到啲水由白色變返透明就得喇~ 咁樣做係因為葛本身澱粉質好高, 澱粉溶係水之中就會令酊湯變杰, 而用水不停沖出嚟白色個啲就係葛嘅澱粉, 沖走哂佢咪冇咁多澱粉, 個湯就冇咁黏啦! 記住係沖水沖耐啲, 唔係浸水浸耐啲!

步驟:

1. 將粉葛及土茯苓沖洗乾淨.

2. 蜜棗洗淨切半 (容易出味啲)

3. 凍水落料, 水滾起計煲3個鐘頭就飲得喇! (我未水滾, 所以較4個鐘)

下期預告: 連續煲咗2個星期山草藥湯, 都係時候轉轉口味, 下星期煲返果菜湯, 等大家有得食又有得飲啦~

2011/02/26

潮人環保袋

由唔記得幾年幾月幾日開始, 政府徵收膠袋稅以來, 大家出街買野, 都會自備購物袋; 唔知大家用緊嘅環保袋係點樣嘅呢?

嘻嘻~~ 揹住佢, 街市都當天橋咁行啦~

PS: 多謝CC妹妹老公誠意相贈!!

2011/02/25

文老闆

即係咁........我食咗文老闆大大話話都有3餐飯喇~ 我都仲未好好咁介紹佢俾大家認識, 就係呢度開個post俾佢, 公開俾大家見下面啦~

大家睇下佢個笑容同隻貓係冇分別咖~

而身型呢.......嘻嘻~~~又睇睇文老闆同佢嘅分身合照丫, 大家留意下, 細文係拎住條魚, 而大文係拎住球拍~ 同一個post........睇下又幾時我會搵到一條金黃色頸巾俾大文帶先~

依照風水先生之言, 我係要將細老闆擺上枱囉~ 呵呵!!

2011/02/22

偷餅漢當場被捕

今日大約下午5時, 一名李姓中國籍男子於灣仔某商業大廈, 懷疑因工作沉悶及"口痕", 偷取大量餅乾, 被3名事主當場就擒, 李姓男子即時反抗, 更透露另有同黨. 3名事主見賊人首次犯案, 最終決定口頭懲戒作罷.

金牛苑越南菜館

流感肆虐, 當大家都好注重健康嘅時候, 醫生就成為搶手貨喇~ 更何況係靚仔喎!! 呵呵!! 今日多得CC妹妹拉攏, 又可以同靚仔Dr. Tsui食lunch喇~ 是日選址 - 金牛苑越南菜館

一行6人(醫生真係好受歡迎咖~) 被安排入座, 點解又係長枱咖!!!!!!!!!!!!!! 下次book位, 都係問多句有冇圓枱先得!

南乳燒雞, 皮脆呀! 南乳分上夠細心~

扎肉蒸粉卷, 我問: 裡面咩嚟咖? CC妹妹答: 咩都有啲啦! (咁有冇錢呀?) 日本小姐補: 有啲木耳咁啦~ Dr. Tsui再補: 好似有白蘿蔔絲~ 原來大家都係唔需要知食緊咩........

蔗蝦, 好topical嘅越南菜, 我好欣賞日本小姐叫呢個餸, 呢度可以逐隻order, good!

炸軟殼蟹, 呢個應該係即叫即炸, 因為我感到佢好熱, 同埋要等一段時間先上枱~

上湯豆苗, 日本小姐: 呢個餸好屋企呀~ 冬天都就嚟完喇.....我一條豆苗都冇食過呀! 嗚嗚.....

南瓜海鮮焗飯, 我地一心以為係個南瓜上, 點知係碟上, 有啲失望, 好彩食味唔錯~

大家開懷大嚼之時, 我唔知做咩, 個肚唔多舒服, 想叫個椰青都唔得, 難得有靚仔醫生係度, 即時求救啦~ 呢個就係我嘅前菜喇~ (午餐返公司自己煮飯食) 註: 返到office幾耐, 個肚真係唔痛喎! Dr. Tsui多謝你呀~~

呢度服務幾好, 坐底即刻有人問飲咩, 落order又會俾意見, 最細心係, 有個比較年輕嘅侍應見到我食藥, 即刻主動俾杯暖水, 午市收加一都抵啦! 呢餐大家覺得點呢? 豐富嘛? 盛惠HKD$10XX.

金牛苑越南菜館

地址: 銅鑼灣勿地臣街1號時代廣場食通天11樓1103號舖

電話: 2506 1028

2011/02/20

土茯苓煲鑽地老鼠

呢排天氣又濕又凍, 搞到成個人都好唔舒服, 晚晚都瞓得唔好~ 趁住放假, 就煲咗個去濕湯, 幫身體清毒去濕. 是日湯譜 - 土茯苓煲鑽地老鼠

其實煲湯呢, 就冇咩好講, 不過因為美麗葉小姐全家都唔識煲湯, 搞到佢要買湯卷飲街湯, 咁就分享一下我煲湯嘅過程啦~ 不過咁, 因為我唔落肉, 所以少咗將肉汆水呢個程序, 口味清淡啲, 但一樣咁甜咖, 我阿媽初初都話冇肉唔甜, 依家咪又係同我一樣煲素湯~~ 試過你都知咖喇!

我今日係煲山草藥湯, 所以買料一定要去街市嘅山草藥檔買, 超級市場係冇咖, 幾高級幾大間都唔會搵到, OK?

材料超簡單, 就係呢4樣: 土茯苓, 鑽地老鼠, 紅蘿蔔, 蜜棗; 不過買料就有skill喇!

上圖橙紅色嗰片就係土茯苓, 買個時唔好貪靚貪方便, 買去咗皮個啲, 因為去咗皮白雪雪呢, 其實係漂過咖!!!!! 有皮個啲先係正嘢!! 記得叫檔口幫你即時去皮切片, 如果唔係你屋企有斧頭都搞仍唔掂呀~~~ 你睇下我啲土茯苓橙紅色幾新鮮~ 聞落去仲有好香嘅葛味添!!

白啲個片就係鑽地老鼠喇! 你地睇電視多過我, 應該都有睇過阿蘇介紹咖啦~ 我唔多講喇~

唔好以為我又好慳地買呢隻污卒卒紅蘿蔔呀! 其實呢隻係台灣種紅蘿蔔, 甜度比澳洲種高(即係好乾淨嗰啲); 揀啲唔好裂開嘅, 因為裂咗就走氣唔甜咖喇!

步驟:

1. 紅蘿蔔洗淨, 去皮, 滾刀切塊

2. 蜜棗洗淨

3. 土茯苓, 鑽地老鼠"係咁二"沖水, 千祈唔好浸洗或多次清洗, 因為會洗走哂啲味咖~

4. 全部材料冷水放入煲, 當水滾起, 就開始計時煲多3個鐘就得喇! 一定要煲夠3個鐘, 如果唔係會寒涼, 飲咗可能會仲唔舒服咖~

我用電子湯煲, 所以凍水起計, 設定煲嘅時間為4個鐘, 預佢要用1個鐘先滾起嘛.......

煲好就係咁樣, 好熱好多煙, 所以影到白曚曚~ 唔好以為我咁神心留係屋企等佢煲好呀, 其實中途我走咗去北角哨街~~~ 返嚟就搞掂喇~ 由買料至落煲, 應該用咗15分鐘到啦~ 而買料就用咗$40, 買菜嚟講, 已經叫好貴咖喇! 美麗葉小姐, 你又可唔可以講下你用咗幾多錢買湯卷呢?

奢侈的一天

如題, 你會覺得我呢一日會係點過呀? 穿最華麗的衣服, 攜最名貴的手袋, 坐最豪華的房車, 到最高級的酒店, 吃最富盛的餐點............

我奢侈的一天就是睡到下午1點多, 就起來吃點水果, 之後又看一看書, 看不到2頁, 又忍不住望街, 3點多, 又感到點冷, 坐到床上......不知不覺又睡過去, 再起來時, 已經是晚上7點.....又對電腦四圍遊. 到午夜3點, 又睡過去了........

這天, 沒有輸出, 也沒有什麼得著, 不曉得為什麼, 別的不想做, 就是想睡, 就花一整天去睡, 你可要知道, 時間可以換來金錢, 但金錢卻換不了時間; 而我卻用了一整天去做"睡"這個動作......比起那充滿銅臭的奢侈消費生活, 我這回應該來得更切底吧!

玉桃苑

小圈子飲茶午聚, 是日選址 - 玉桃苑

大家睇緊食咩嘅時候, 俾我係menu度發現有可愛又配今年生肖嘅奶皇白兔仔呀~~~ 但有鑑於我唔食, 所以就冇點囉~ 據聞呢個都係懷舊點心之一, 所以都想影低佢.........我食家最想食嘅懷舊點心係"菲林", 大家知唔知係咩呀?

蠔油生菜, 啲菜應該上咗"力架", 令立立囉~

炒腸粉, 新鮮炒起, 有少少脆面, 齋睇都吸引呀~

滷水鵝併豆腐; 叉燒包; 鳳爪; 芋茸流沙包, 都唔流沙嘅......

春卷腸粉, 即係將炸兩裡面嘅油炸鬼轉做春卷; 我第一次見樣嘢係N年前喺深圳嘅某酒樓~

蝦餃; 燒賣.

豬扒包, 黃教授話唔夠熱, 而個包嘅質地又同個豬扒唔夾......中伏!

肉絲銀芽炒麵, 睇落去都知唔係肉絲, 而係肉碎啦.......可唔可以切好啲呢? 話哂呢度都係銅鑼灣酒樓丫......

呢日好失暈竟然冇帶電話, 所有相都係由黃教授用iphone影咖, 大家有冇覺得個quality好過平時我影個啲呢? 麻煩哂黃教授! 又, 係我發現唔記得帶電話冇得影相個時, 大家竟然話唔影都冇所謂, 因為呢一餐係要忘記......吓? 咁點解要揀係呢度食呀? 點解唔試下其他未試過嘅茶樓呀? 迷~

玉桃苑

地址: 銅鑼灣勿地臣街1號時代廣場食通天12樓1202號鋪

電話: 2506 3366

2011/02/16

是日午餐

蕃茄金菇雜穀飯

一向都鐘意食菇, 以往煲飯都會加2片乾冬菇, 等啲飯香啲, 又可以食下菇, 而今次又試下用新鮮嘅金菇, 又唔錯喎~ 不過煮嗰時就冇同乾冬菇咁香喇~

2011/02/13

是日午餐

泡菜蕎麥飯

買包五穀米個時, 覺得唔夠多粗糧, 所以就自己買啲其他米一齊溝, 咁啱行過國貨公司, 見到有蕎麥粒, 就買包試下~ 食落好似食薏米咁~

三角形個粒就係蕎麥喇~

唔知點解包泡菜都冇開過, 擺係雪櫃度都自己發漲......食落就冇問題嘅, 不過睇到咁漲就有啲驚會爆囉..........我屋企仲有5包呀......都係時候快手食喇!!

大頭公仔

上星期某天放工經過時代廣場, 遇到可愛的大頭公仔, 好像是12生肖造型呢~

單眼虎, 咪咪牛

波波獅頭

來不及合照就走喇.......太可愛, 就跟著走~

要影相, 龍尾係呢邊丫! 唔該!

雞仔同今年之星, "肉"兔呀!

究竟藍色狗狗隔離個隻係咩嚟咖呢?

山葵日本料理

突如其來的"文族團"開年飯, 當然揀去文老闆最愛的日本餐廳啦~ 是日選址 - 山葵日本料理

由餐廳門口走到我們的座位, 要經過一條發光的地板, 感覺好像行catwalk呢.......(嘻!) 甫坐下只感到餐廳好暗, 傢俬都是黑色的, 我該說這是有型嗎? 全店最光的地方是應該料理台和錢櫃吧......

好喇~~~~入正題, 午市有set, 全都在$200以上, 又睇下係咪物有所值先~

大部份同事都是選壽司set, 分別只是特上還是普通的, 這個....應該是特上set.......大抵都是這個set的運不好, 落在日本小姐的口中.......得到的評分是......toro有筋, 蝦不甜, 三文魚子不脆.......遇到這個日本考官, 特上壽司set中最可取的, 應該只有蒸蛋.......

刺身飯, 這個比較好彩, 落在一個怎麼都沒所謂的同事口中

這裡有為齋人提供素食menu, SH太太點了這個蔬菜天婦羅和下面的芒果卷 (不好意思, 爆了光)

(題外話: 謝謝SH太太貼心的為我想有什麼啱我食, 其實我不是齋人, 只是對味精敏感, 沒有煮過的日本刺身是我街飯至愛之一呀!)

只有文老闆一人點熟食, 這沒有問是什麼 (?), 大家都是如毛飲血的同時, 文老闆的熟食, 顯得佢好文明, 識的生火煮食(!) 影得有點急.....不好意思阻住老闆開飯嘛......

我的特上刺身set, 不食三文魚的我, 當然叫店家換了, 但不知那個是換來的~ 左至右: 無名, 魚味是有的, 口感彈牙, 我不愛; 赤身, 正常; toro, 油潤但有筋; 牡丹蝦, 這隻應該是未發育的; 花型的白身魚, 搞不懂是不是鯛魚, 是和赤身的口感一樣, 清爽的魚味; 油甘魚, 好! 帶子, 如果可以大點就好喇! 成個set, 我就是吃了這盤主角, 其他的都分發到TC先生各日本小姐那處, 我們真係好一黨飲食partner!!!