未開飯, 先興奮, 早一晚已經做定reseach睇下有咩啱食抵食, 唔洗諗啦~ 生蝦刺身, 由於C9性格, 價值$95只得7隻生蝦..........我會情願揀同日本小姐加多少少去食餐好嘅日本刺身定食會開心啲囉~ 睇下今餐食咩之餘, 又估下我最後揀咗咩丫~ 呢樣野, 一樣令我好期待, 好興奮咖~~~
柚子沙律, 好清, 因為淨係得柚子同炸過嘅椰絲; 點解柚子肉唔係泰國金柚嘅偏紅色, 而係呢個近似沙田柚嘅米色嘅? 食過嘅朋友, 可唔可以話我知你佞唔食到泰國味呀?
迷你拼盤, 我地揀咗香葉包雞, CC妹妹食評 "個雞好好食呀!"; 春卷, 日本小姐咬咗一啖之後講 "唔得好熱, 要吹凍啲先, 我夾比佢個時都feel到脆過18歲 (笑!); 蝦餅, 冬甩好可愛呀! 拼盤有醃青瓜, 椰菜同紅蘿蔔伴食, TC先生好捧場, 食哂~
胡椒蒜蓉大蝦, 蝦好大隻, 平時唔食海鮮嘅TC先生食咗2隻囉~
菠蘿炒飯, 炒飯裡面有腰果, 提子乾, 肉鬆, 臘肉(?) 同假海鮮(即係魚肉條扮蟹柳, 擦子膠魷魚), 偏偏就係冇菠蘿肉, 啲飯落咗黃薑粉去炒, 金黃色好match個菠蘿, 又好襯開年飯個財氣意頭, 但係點解要將啲假海鮮同肉鬆擺面呢? 搞到分食個時好唔方便囉~
胡椒炒豬頸肉, 新鮮炒起, 大家見到白色個團就係煙喇! 大家都好奇地試咗一粒胡椒, 我好欣賞你地呀!至於我究竟食咗咩呢? 鏘鏘...................................就係椰青喇!! 睇相可能唔覺, 其實個椰青好大個咖~ 實不相瞞, 我等飲椰青嘅日子都差唔多等咗半年咖喇 (!) 可惜超市價格一直係牛市, 唔捨得飲囉~~ 難得呢次要用口參與, 我就梗係唔客氣啦~~ 依家知點解我會未開飯先興奮啦!
簡單啲嚟講, 呢度價錢係1/3食裝修, 1/3食手工, 1/3食食物囉~ 叫咁多樣野, 我覺得個椰青係最抵, 因為佢真係3A級貨色同埋一定係飛機新鮮貨囉~ 嘻嘻~
題外話: 返到公司冇幾耐, 又走去騒擾日本小姐做嘢, 佢好窩心地問我食咗lunch未囉~~~ Oh! So sweet!!! 各位Sunshine boy有冇興趣呀? 有冇就留message或者email俾我啦~
地址: 銅鑼灣波斯富街99號利舞臺廣場6樓C-D舖
電話: 2890 1993
沒有留言:
發佈留言