記得上一次嚟係同P老闆第一次team lunch, (P lo ban, lei hu ma?) 印象之中, 我對呢度嘅set lunch係有選擇困難症, 有見及此呢, 我已經預先要求店方email menu過目, 免得浪費大家時間等我揀啦~ 今次依然好彩, 又坐返馬蹄卡座~ 啱哂啦! 5個女人真係會一個墟咖! 嘈住人就唔好啦~
原來4朵金花成日嚟喎, 仲有埋VIP卡添, 午市有95折, 又睇下4朵金花食咩丫~
壽星女壽司烏冬set, 呢個餐最後先到, 係咪想表示即叫即製呢?
星期二之選: 魚三味, 即係三文魚3食, CL太太 "好大份呀.....碗飯!"
燒牛肉定食, 我都幾懷疑個爐咁細, 火又唔係好猛, 係咪真係燒我熟啲牛.......大家都有眼見佢啲餐有幾大份咖啦~ 仲要硬係搭啲熟食! fine~ 我就揀咗個好清新嘅沙律, 蕃茄豆腐沙律, 醬汁分上, 蕃茄係去咗皮, 而豆腐比百X係實少少啦~~
食完呢餐, 都唔會記得食過啲咩, 不過食咩唔重要, 反正都係個人口味唔同! 最重要係食完呢次, 我好想再同4朵金花再食多幾次囉~ 金花們, 你地歡唔歡迎我嚟陪坐呀?
再次祝WH小姐生日快樂! W小姐, 好高興認識你呀!
地址: 銅鑼灣勿地臣街時代廣場食通天13樓1304號舖
電話: 2506 1838
沒有留言:
發佈留言