舊嘅唔去, 新嘅唔嚟.....

我有一個習慣, 就係每朝一起身, 一定要飲杯暖水, 仲要係好大杯添! 所以屋企一定要有一個電熱水煲, 但係琴日朝早, 一按個出水制, 出水嘅唔單只係水口, 仲要係連個水煲底都出水囉! 唉.......一早起身就要做工人抺枱喇! 咁漏水, 即係要我買新啦......又要洗錢.....成個人down哂....

我又有一個習慣, 就係買野之前, 不停搜集資料, 格價同埋問哂各方親朋好友有冇折扣, 所以我屋企冇一件電器, 係用正常市價買咖~~

返到公司, 就開始問同事屋企用緊邊個牌子水煲喇~ 問咗3位同事, 答案如下:

"我屋企用個隻係Z字頭咖!" (Z字頭得一隻啫! 咪象印囉!)

"我屋企用緊隻嘅大象呀!" (冇大象咖....得象印咖咋!)

"我用緊個隻好似有隻象仔咖!" (象印個logo咪係隻象囉!)

象印真係咁好用咩?

放工即係落sogo睇啦! 嘩.......睇啱嘅差唔多要成千蚊喎! fine......睇返用緊嘅樂聲囉! 好彩又係出外靠朋友, 我比正常價慳咗差唔多100蚊呀! yeah!

嘻嘻~~ 新水煲有電動出水, 唔洗襟水襟到手軟!

內膽有備長炭, 所以比普通內膽黑啲!

新舊水煲交接儀式! (無聊....)

多謝CC妹妹陪伴shopping及俾意見, 多謝S姐幫忙為我慳錢!