富臨漁港

好難得呀! 因為係香港嘅直屬家人同枱食飯~~ 不過如果一家人嚟計始終都係3缺1, well~ 遠在UK嘅你, 睇相當食咗啦~ 由於兩老都住九龍, 所以一放工即刻飛車到觀塘, 是日選址 - 富臨漁港

店址係位於工業區, 星期五嘅晚飯時間都估唔到咁旺, 我地6:30pm入坐食到8pm, 眼見圍住我地周邊嘅細枱都做緊第2輪食客, 我地走個時都有唔少人等位添~ 真係睇唔出喎, 失覺哂~~

我地叫咗:

老豆話: 唔太咸喎! 試舊啦! (玩嘢麼 @_@)

茨汁唔會過多, 而生粉濃度亦唔會太高, 凍咗都唔見有凝固咗嘅汁, good!

老豆咬住舊羊話: 真係幾好食喎! 之後食哂成碟.......

媽子獻出人生第一次, 就係食有渣帶子!

飯後送問咗3次先有嘅果盤, 埋單連2枝大啤, 齊頭$340. 服務係零, 所以tips都係零.

題外話: 老豆係去洗手間時, 經過門口見到張Poster話2-6人晚飯即送多寶魚, 即刻問個侍應我地3個人係咪有得送, 答案係要午市飲茶, 取得coupon先有得送, 但係我地睇勻成張poster都搵唔到有寫任何條款及細則喎.........律師朋友們, 請問咁樣會唔會構成誤導呢? 可唔可以留言解答下, 唔該哂~

大家都知我唔食咖喇~ 所以我冇可能志在條魚, 不過我覺得你耍緊我囉~ 乜我去咗大排檔咩?!

富臨漁港

地址: 去唔去都擺! 最憎人耍我.......

電話: 1083