唔知係咪因為近嚟瞓得唔好, 所以個人有啲燥熱, 竟然生飛滋呀! 所以今日lunch唔想食飯, 轉咗飲湯! 之前係韓國舖買咗呢包海帶, 所以整返個簡單嘅滾湯啦!
呢隻海帶唔會好薄, 不過煲嘅時候就好腥, 連好受到魚腥味嘅日本小姐都話有啲頂唔順! (對唔住呀各位! 難為咗大家喇!) 我諗用佢嚟整泡菜湯會好少少~~ 不過煲起食個陣又唔係好腥咋喎.....
因為呢個湯有蕃茄, 而海帶本身係有少少咸咸地, 所以我冇落調味, 個湯都有啲天然酸咸味道, 加埋金菇.......噢! 呢一餐好韓國呀.......
沒有留言:
發佈留言