人情味

身為文老闆嘅秘書兼任庶務部CEO, 我覺得我係有責任去維持我team同事嘅身心健康, 俾我老闆去慢慢摔嘅! 有見及此, 我就負責為大家安排健康嘅下午茶, 今日就為大家準備咗楊桃.

係咪好大個, 好靚呢~~ 呢度$20, 唔知抵唔抵, 不過就一定靚囉~

話說小妹平時實在太多口喇! 同街市啲檔主係唔係都傾一餐, 所以佢地都好樂意揀啲最靚嘅貨俾我, 又會教我點揀, 點煮~ 好似今日咁, 我竟然唔記得帶銀包去買生果囉! 好彩生果檔老闆對我好好, 主動叫我下次先俾.......好感動呀! 呢個就係點解我鍾意行傳統街市嘅原因, 因為有人情味!